Suriya NGK: விஜய்யை பின்னுக்கு தள்ளி, இந்திய அளவில் மாஸ் காட்டிய சூர்யா!

தமிழ் சினிமாவில் முன்னணி நடிகர்களில் ஒருவராக சூர்யா விளங்குகிறார். இவரது நடிப்பில் உருவான என்.ஜி.கே மற்றும் காப்பான் ஆகிய படங்கள் திரைக்கு வர காத்துக் கொண்டிருக்கின்றன.

அதில் செல்வராகவன் இயக்கத்தில் எடுக்கப்பட்டுள்ள ‘என்.ஜி.கே’ திரைப்படத்தின் மீது மிகுந்த எதிர்பார்ப்பு கிளம்பியுள்ளது. ஏனெனில் செல்வராகவன் - சூர்யா கூட்டணி முதல் முறையாக அமைந்துள்ளது.

இந்தப் படத்தின் டீசர் மற்றும் டிரைலர் ஆகியவை வெளியாகி, ரசிகர்கள் மத்தியில் பெரும் வரவேற்பை பெற்றுள்ளது. படத்தின் வெளியீட்டிற்காக மிகுந்த ஆர்வத்துடன் காத்துக் கொண்டிருக்கின்றனர்.

இந்நிலையில் இந்திய அளவில் சூர்யாவிற்கு பெருமை சேர்க்கும் வகையில், அவரது ரசிகர்கள் ஒரு விஷயத்தை திட்டமிட்டுள்ளனர். அதாவது ’என்.ஜி.கே’ படத்திற்காக சுமார் 210 அடியில் கட் அவுட் வைக்க முடிவு செய்துள்ளனர்.

இது இந்திய அளவில் முதல்முறையாக செய்யப்படும் விஷயம் என்பது குறிப்பிடத்தக்கது. இதன்மூலம் வேறெந்த நடிகருக்கும் இல்லாத பெருமை, சூர்யாவிற்கு கிடைத்துள்ளது. ஏற்கனவே ‘சர்கார்’ படத்திற்காக விஜய்க்கு கேரளாவில் 170 அடியில் கட் அவுட் வைத்திருந்தனர்.

அந்த சாதனையை முறியடிக்கும் வகையில், தற்போது சூர்யா ரசிகர்கள் திட்டமிட்டுள்ளனர். ஆனால் எந்த இடத்தில் வைக்கப்படும் என்று விரைவில் அறிவிக்கப்படும் என தெரிவித்துள்ளனர்.