NGK First Song: அடுத்தடுத்து மாஸ் காட்டும் சூர்யா: என்ஜிகே முதல் சிங்கிள் டிராக் எப்போது?

சூர்யா நடிப்பில் உருவாகியுள்ள என்ஜிகே படத்தின் முதல் சிங்கிள் டிராக் எப்போது வரும் என்ற அறிவிப்பு வெளியாகியுள்ளது.

தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் சூர்யா. தற்போது செல்வராகவன் இயக்கத்தில் என்.ஜி.கே படத்தில் நடித்துள்ளார். இப்படத்தில் சூர்யாவிற்கு ஜோடியாக ரகுல் ப்ரீத் சிங் நடித்துள்ளார். மேலும், சாய் பல்லவி, பாலா சிங், மன்சூர் அலி கான், முரளி சர்மா ஆகியோர் பலர் நடித்துள்ளனர். யுவன் சங்கர் ராஜா இப்படத்திற்கு இசையமைத்துள்ளார்.

Suriya NGK: சூர்யாவின் என்.ஜி.கே படத்தின் வெளியீட்டு தேதி அறிவிப்பு!





இப்படம் வரும் மே 31ம் தேதி வெளியாகும் நிலையில், இப்படத்தின் முதல் சிங்கிள் டிராக் எப்போது வரும் என்று அதிகாரப்பூர்வமாக அறிவிக்கப்பட்டுள்ளது. அதன்படி, வரும் 12ம் தேதி என் ஜி கே படத்தின் முதல் சிங்கிள் டிராக் வெளியாகும் என்று அறிவிக்கப்பட்டுள்ளது.

இப்படத்தைத் தொடர்ந்து இயக்குனர் கேவி ஆனந்த் இயக்கத்தில் உருவாகியுள்ள காப்பான் படம் ஆகஸ்ட் 30ம் தேதி வெளியாகும் என்று எதிர்பார்க்கப்படுகிறது. இதற்கிடையில், சூர்யா தனது அடுத்த படத்தின் படப்பிடிப்பை தொடங்கியுள்ளார். இயக்குனர் சுதா கொங்காரா இயக்கத்தில் சூர்யா 38 என்ற படத்தில் நடிக்கிறார். அண்மையில், இப்படத்திற்கான படப்பிடிப்பு பூஜையுடன் தொடங்கியுள்ளது என்பது குறிப்பிடத்தக்கது.