ஜோதிகா படக்குழுவுக்கு இன்ப அதிர்ச்சி கொடுத்த சூர்யா

ஒரு படம் முடித்த பிறகே அடுத்த படத்தில் நடிப்பதை வழக்கமாக கொண்டிருந்தார் ஜோதிகா. சூர்யவுடனான திருமணத்திற்கு பிறகு 36 வயதினிலே படத்தின் மூலம் மீண்டும் சினிமாவுக்கு திரும்பினார் ஜோதிகா.
'மகளிர் மட்டும்', 'நாச்சியார்', 'காற்றின் மொழி', 'ராட்சசி' எனத் தொடர்ந்து சிறந்த படங்களாக தேர்ந்தெடுத்து நடித்து வந்தவர் தற்போது ஒரே நேரத்தில் மூன்று படங்களில் நடித்துக் கொண்டிருக்கிறார்.

தற்போது கார்த்தி நடிப்பில் ஜீத்து ஜோசப் இயக்கும் ஒரு படம், சசிகுமார் நடிப்பில் கத்துக்குட்டி இயக்குநர் சரவணன் இயக்கும் ஒரு படம், மற்றும் புதுமுக இயக்குநர் ஜெ.ஜெ. ஃபெட்ரிக் இயக்கும் 'பொன்மகள் வந்தாள்' படம் என படு பிஸியாக நடித்து வருகிறார்.

ஃபெட்ரிக் இயக்கும் 'பொன்மகள் வந்தாள்' படத்தை சூர்யாவின் 2டி என்டர்டெயின்மென்ட் நிறுவனம் தயாரிக்கிறது. இப்படத்தின் ஷூட்டிங் தற்போது ஊட்டியில் பரப்பரப்பாக நடந்து வருகிறது. இந்த ஷூட்டிங் ஸ்பாட்டிற்கு திடீர் விசிட் அடித்து படக்குழுவினரை சந்தோஷத்தில் ஆழ்த்தியுள்ளார் சூர்யா.