ஆர்பரிக்கும் காட்சிகளுடன் சூர்யாவின் '24' டிரைலர்

நடிகர் சூர்யா நடிப்பில் உருவாகியுள்ள '24' படத்தின் டிரைலர் சற்றுமுன் வெளியானது.

அறிவியல் சார்ந்த திரில்லர் படமாக உருவாகியிருக்கும் '24' படத்தின் உலக தரத்தில் அமைந்த 2.10 நிமிட டிரைலர் ரசிகர்களை பெரிதும் கவர்ந்துள்ளது. '24' டிரைலர் இன்று மாலை 6 மணிக்கு வெளியாகும் என அறிவித்திருந்த நிலையில் திடீரென நேரம் மாற்றப்பட்ட இரவு 8 மணிக்கு வெளியானது. இப்படத்தில் சூர்யா வில்லன், கேங்க்ஸ்டர், விஞ்ஞானி உள்ளிட்ட 3 வித்தியாசமான கதாப்பாத்திரங்களில் நடித்துள்ளார். மேலும், இப்படம் காலப் பயண கோணத்தை மையமாக வைத்து உருவாகியுள்ளது'.

ஏ.ஆர்.ரகுமான் இசையமைத்துள்ள '24' பட இசை வெளியீட்டு விழா இன்று காலை பிரம்மாண்டமாக நடைபெற்றது. இப்படத்தின் பின்னணி இசை கதைக்கு பழம் சேர்க்கும் விதத்தில் அமைந்திருப்பதாக விமர்சகர்கள் கருத்து தெரிவித்துள்ளனர். இந்நிலையில் தற்போது வெளியாகியுள்ள '24' டிரைலர் ரசிகர்களின் எதிர்ப்பார்ப்பை மேலும் துண்டும் விதத்தில் உள்ளது. அதன் அடையாளமாக சூர்யா ரசிகர்கள் 24 டிரைலர் ஹெஷ்டேக் உருவாக்கி டிரென்டாக்கி வருகின்றனர்.

'ஸ்டுடியோ க்ரீன்' ஞானவேல் ராஜா தயாரிப்பில் உருவாகியுள்ள இப்படம் இம்மாதம் இறுதிக்குள் வெளியாகும் என கூறப்படுகிறது. இப்படத்தில் சமந்தா, நித்யா மேனன், கிரீஸ் கர்னாடு, அஜய் ஆகியோர் நடித்துள்ளனர்.