கொந்தளிக்கும் ஜாவா எரிமலை தீவில் படப்பிடிப்பில் “காப்பான்” டீம்; ஆச்சரியப்படுத்திய படக்குழு!

வித்தியாசமான இடங்களில் அற்புதமான காட்சிகளை படம்பிடித்து, நம் முன்னே கொண்டு வரக்கூடியவர் ஒளிப்பதிவாளர் கே.வி.ஆனந்த். இவரது இயக்கத்தில் வெளியான அயன், கோ, மாற்றான் உள்ளிட்ட படங்கள் மிகப்பெரும் வெற்றிகளை பெற்றன.

இந்நிலையில் சூர்யா உடன் மூன்றாவது முறையாக இணைந்துள்ள படம் “காப்பான்”. இதன் படப்பிடிப்பு பல்வேறு நாடுகளில் நடைபெற்று வருகிறது. இந்நிலையில் கே.வி.ஆனந்த் தங்கள் படக்குழு எங்கே இருக்கிறது என்பதை, தனது டுவிட்டர் மூலம் பகிர்ந்துள்ளார்.

அதன்படி, இந்தோனேசியாவில் உள்ள எரிமலை தீவான ஜாவாவில் இருக்கின்றனர். இதுதொடர்பான புகைப்படமும் வெளியிடப்பட்டுள்ளது. ஜாவா தீவில் எரிந்து கொண்டிருக்கும் எரிமலைகளும், பல்வேறு விதமான நில அமைப்புகளும் காணப்படுகின்றன.

எனவே காப்பான் படத்தில் கண்களை கொள்ளை கொள்ளும் ஏராளமான காட்சிகள் இடம்பெற்றிருக்கும் என்பதில் சந்தேகமில்லை. இந்தப் படத்தை லைகா நிறுவனம் தயரித்து வருகிறது.

திரில்லர் கதை பாணியில் உருவாகி வரும் படத்தில் மோகன்லால், சாயிஷா, ஆர்யா, போமன் இரானி உள்ளிட்டோர் நடித்து வருகின்றனர். சமீபத்தில் வெளியான இப்படத்தின் டீசர் பல்வேறு தரப்பினரையும் பெரிதும் கவர்ந்தது.