காதலர் தினத்தில் காதலர்களுக்கு சூசகமாக எச்சரித்த சுசீந்திரன்!

காதலர் தினத்தை கொண்டாடும் காதலர்களுக்கு ஒரு சம்பவத்தை சூசகமாக தெரிவித்துள்ளார் இயக்குனர் சுசீந்திரன்.

இன்று உலகம் முழுவதும் காதலர் தினம் கொண்டாடப்பட்டு வருகிறது. சமூக வலைத்தளங்கள் முழுவதும் காதலர் தின வாழ்த்துக்கள் தான் தற்போது குவிந்து வருகின்றன. இது ஒருபுறமிருக்க இயக்குனர் சுசீந்திரன் காதலர்களுக்கு அறிவுரை சொல்லும் வகையில் ஒரு மீம் புகைப்படத்தை பகிர்ந்துள்ளார்.

அதில் அவர் இயக்கிய ‘ஆதலால் காதல் செய்வீர்’ படத்தின் கிளைமாக்ஸில் அனாதையாக தவிக்கும் ஒரு குழந்தை காட்டப்பட்டுள்ளது. காதலர்கள் கண்ணியமாக நடந்துகொள்ளவில்லை என்றால் இப்படித் தான் நடக்கும் என்பதை சுசீந்திரன் காதலர் தின வாழ்த்து செய்தியில் சூசகமாக கூறியுள்ளார்.