‘தெறி’ படத்திலும் டி.ராஜேந்தரின் பங்கு!

விஜய் நடித்த ‘தெறி’ படத்தில் டி.ராஜேந்தர் ஒரு குத்து பாடலை பாடி அசத்தியுள்ளார்.

டி.ராஜேந்தர் ‘புலி’ படத்தின் ஆடியோ வெளியீடு விழாவில் ‘இது அசத்தலான புலி, அசால்டான புலி, ஆரவாரமான புலி’ பல புலிகளின் பெயர்களை சொல்லி அடமொழியாக மூச்சு விடாமல் விஜய்யை புகழ்ந்து பேசி அனைவரின் கவனத்தையும் ஈர்த்தவர் டி.ஆர்.

மேலும் இவர் தற்போது விஜய் நடிக்கும் ‘தெறி’ படத்தில் ஒரு குத்து பாடலை பாடியுள்ளார். அவர் பேசினாலே அனல் பறக்கும், பாடினால் சொல்லவா வேண்டும். அதுவும் விஜய் பட பாடல் என்றால் குத்துப் பாடலுக்கு பஞ்சமிருக்காது. படத்தில் விஜய், சமந்தா, எமி மற்றும் பலர் நடித்துள்ளனர். படத்தை டைரக்டர் அட்லி இயக்கியுள்ளார். இந்தப் படம் ஏப்ரல் 14ம் தேதி உலகம் முழுவதும் வெளியாகவுள்ளது. பாடல்களை அனைவரும் எதிர்பார்த்துகொண்டிருக்கும் நிலையில், ஆடியோ வெளியீட்டு தேதி மிக விரைவில் அறிவிக்கப்படவுள்ளது.