இயக்குனரை ஆச்சரியப்படவைத்த நடிகை!

நடிகை தமன்னா முதல் சீன்லேயே இயக்குனர் சீனுராமசாமியை ஆச்சரியப்பட வைத்தாராம்.

சீனுராமசாமி இயக்கத்தில் விஜயசேதுபதி நடித்த படம் ‘தர்மதுரை’. இந்த படத்தின் கதாநாயகியாக தமன்னா நடித்துள்ளார். அதுவும் மதுரை தமிழ் பேசும் பெண்ணாக நடித்திருக்கிறார். ஆனால் இந்த படத்திற்காக அவரை புக் பண்ண மும்பைக்கு சென்றபோது, கிழிந்த ஜீன்ஸ் பேண்ட் அணிந்து கொண்டு நின்ற தமன்னாவைப் பார்த்த சீனுராமசாமி அதிர்ச்சியடைந்து விட்டாராம். இந்த பெண்ணை எப்படி மதுரைக்கார பெண்ணாக மாற்றப்போகிறோம் என்ற மனநிலையிலேயே அவரிடம் கதை சொல்லியிருக்கிறார்.

இயக்குனர் சீனு கதை சொல்லத் தொடங்கியபோது, முழு கதையையும் சொல்லுங்கள் என்றாராம் தமன்னா. ஒன்றரை மணி நேரம் தமன்னா முழு கதையையும் கேட்டாராம். கதை பிடித்துப்போய் கால்ஷீட் கொடுத்து விட்டாராம் தமன்னா. இருந்தாலும் இயக்குனருக்கு, தமன்னா அணிந்திருந்த பேஷன் டிரஸ் அவர் கண்ணில் தோன்றி உறுத்திக் கொண்டேயிருந்ததாம்.
பின்னர் படப்பிடிப்புக்கும் அதேபோன்ற காஸ்டியூம் அணிந்தபடியே வந்திறங்கிய தமன்னா, மேக்கப், சேலை அணிந்து கேமரா முன்பு வந்தபோது, முழு மதுரைக்கார பெண் போல காமிரா முன் கொண்டு வந்து நிறுத்தினாராம் மேக்கப்மேன். அதைப்பார்த்து ஜீன்ஸில் பார்த்த அந்த தமன்னாவா இவர் என்று ஆச்சர்யப்பட்டாராம் சீனுராமசாமி.