ஐயர் ஆத்து பெண்ணாக மாறிய தமன்னா!

நடிகை தமன்னா ஐயர் ஆத்து பெண்ணாக விக்ரமுடன் ‘ஸ்கெட்ச்’ படத்தில் நடிக்கிறார்.

நடிகை தமன்னா கிளாமர் வட்டத்திற்குள் நிற்காமல் தற்போது மாறுபட்ட கேரக்டர்களிலும் நடித்து வருகிறார். முக்கியமாக பாகுபலியில் அவர் நடித்துள்ள புரட்சிகரமான அவந்திகா கேரக்டர் அவரை பேச வைத்த வேடமாக அமைந்தது. இந்த நிலையில், தற்போது விக்ரமுடன் முதன்முறையாக ஜோடி சேர்ந்திருக்கும் தமன்னா, இந்த படத்தில் ஒரு ஆச்சாரமான பிராமண் பெண்ணாக நடித்துக்கொண்டிருக்கிறார்.

சாதாரணமாக வடசென்னை கதைக்களம் என்றால், அந்த படத்தில் நடித்திருப்பவர்களை கருப்பு கலர், எண்ணெய் தேய்க்காத பரட்டை தலை என்று மாற்றி விடுவார்கள். ஆனால், இந்த படத்தில் சில காட்சிகளில் அப்படி தோன்றும் விக்ரம், பின்னர் தனது லுக்கை மாற்றிக்கொள்கிறாராம். அதேபோல், பிராமண் பெண்ணாக நடிக்கும் தமன்னா, சில காட்சிகளில் மடிசார் சேலை அணிந்தும் ஹை லுக்கில் தோன்றுகிறாராம்.