'பூஜா'வுடன் நட்பு பாராட்டும் பாகுபலி நாயகி

சென்னை: 'பாகுபலி 2' படத்திற்காக நடிகை தமன்னா, தினமும் குதிரையேற்றம் பயிற்சியில் ஈடுபட்டு வருகிறார்.

இயக்குனர் எஸ்.எஸ்.ராஜாமௌலி இயக்கத்தில் உருவாகி வரும் 'பாகுபலி 2'வில் முக்கிய காட்சிகளில் நடிகை தமன்னா குதிரைகளில் வந்து சண்டை போடுவார் என கூறப்படுகிறது. இரண்டாம் பாகத்தில் அனுஷ்கா மற்றும் தமன்னா இருவரும் போட்டிபோட்டு வீர தீர சாகச காட்சிகளில் நடிக்கவுள்ளதாக படக்குழுவுக்கு நெருங்கிய வட்டாரம் தகவல் தெரிவிக்கின்றன.
இது குறித்து நடிகை தமன்னா கூறுகையில்,'குதிரையேற்றத்தில் இது தான் என்னுடைய முதல் அனுபவம். குதிரை அருகே நெருங்கவும், அதனுடைய பாணியை தெரிந்துக் கொண்டு அதை அடக்கும் பயிற்சியை மேற்கொண்டு வருகிறேன்' என கூறியுள்ளார். Meet my new friend #poojathehorse #horseriding lessons @baahubalimovie , she's a beauty 😍😍😍😍 https://t.co/fzsjUgZwK4— Tamannaah Bhatia (@tamannaahspeaks) June 8, 2016 அதற்காக 'பூஜா' என பெயரிடப்பட்டுள்ள குதிரையுடன் நடிகை தமன்னா நட்பு பாராட்டி வருகிறார். குதிரையுடன் இருக்கும் புகைப்படங்களை தனது இன்ஸ்டாகிராம் பக்கத்தில் பகிர்ந்துள்ளார். பிரபாஸ், ராணா, ரம்யாகிருஷ்ணன், அனுஷ்கா, தமன்னா உள்ளிட்டோர் நடித்துள்ள சரித்திர காலப் படமான 'பாகுபலி 2' படம் அடுத்த ஆண்டு வெளியாகவுள்ளது.