டாப் ஹீரோ படத்தில் நடிக்க மறுத்த தமன்னா! காரணம் இதுதான்?

நடிகை தமன்னா தென்னிந்திய சினிமாவில் முன்னணி ஹீரோயின்களில் ஒருவர். தொடர்ந்து டாப் ஹீரோக்களுக்கு ஜோடியாக நடித்து வருகிறார். சென்ற வருடம் மட்டும் தமிழில் அவரது நடிப்பில் நான்கு படங்கள் வெளிவந்தது. உதயநிதியின் கண்ணே கலைமானே, பிரபுதேவாவின் தேவி 2, விஷாலின் ஆக்ஷன் மற்றும் பெட்ரோமாக்ஸ் என்கிற ஹாரர் படம் ஆகியவற்றில் தமன்னா நடித்திருந்தார்.

அதனை தொடர்ந்து தற்போது போலே சுடியான் என்கிற ஹிந்தி படத்தில் தற்போது நடித்து முடித்துள்ளார் தமன்னா. பேட்ட பட வில்லன் நாவாசுதீன் சித்திக் ஜோடியாக அந்த படத்தில் நடிக்கிறார் அவர்.

இந்நிலையில் அடுத்து தெலுங்கில் நடிகர் ரவி தேஜா ஜோடியாக ஒரு புதிய படத்தில் நடிக்க தமன்னாவுடன் பேச்சுவார்த்தை நடக்கிறது என செய்தி சமீபத்தில் வெளியாகி இருந்தது. ஆனால் அந்த படத்தில் நடிக்க முடியாது என ஒதுங்கிவிட்டார் என தற்போது கூறப்படுகிறது.

இந்த படத்திற்காக தமன்னா மூன்று கோடி ருபாய் சம்பளம் கேட்டதாகவும், ஆனால் தயாரிப்பாளர்கள் அவ்வளவு தர முன்வரவில்லை, அதனால் தான் ரவி தேஜா படத்தில் நடிக்க முடியாது என தமன்னா கூறிவிட்டதாக டோலிவுட் வட்டாரத்தில் கிசுகிசுக்கப்படுகிறது.

தமன்னா மற்றும் ரவி தேஜா இருவரும் இதற்கு முன்பு 2015ல் வெளிவந்த பெங்கால் டைகர் என்ற படத்தில் நடித்திருந்தனர் என்பது குறிப்பிடத்தக்கது. அந்த படம் வசூல் ரீதியாகவும் நல்ல வரவேற்பை பெற்றது என்பது குறிப்பிடத்தக்கது. அதே ஜோடி தற்போது மீண்டும் இணையும் என எதிர்பார்த்த ரசிகர்களுக்கு தற்போது ஏமாற்றம் தான் மிஞ்சியுள்ளது.

ரவி தேஜா நடிப்பில் கடைசியாக டிஸ்கோ ராஜா படத்தில் நடித்திருந்தார். அந்த படத்தில் பாயல் ராஜ்புட் தான் ஹீரோயின். அடுத்து கிராக் என்ற படத்தில் நடித்து முடித்துள்ளார் அவர். இதில் ஸ்ருதி ஹாசன் அவருக்கு ஜோடியாக நடித்துள்ளார். அது இந்த மாதம் ரிலீஸ் ஆகும் என அறிவிக்கப்பட்டு இருந்தது. ஆனால் கொரோனா லாக் டவுன் போடப்பட்டுள்ள நிலையில், அது ரிலீஸ ஆகவில்லை. அதனால் அவரது ரசிகர்கள் ஏமாற்றத்தில் இருக்கின்றனர். கிராக் படத்தில் தயாரிப்பாளர் அளித்துள்ள பேட்டியில், ஷூட்டிங் முடிந்துவிட்டது ஆனால் இன்னும் ஐந்து முதல் ஆறு நாட்களுக்கான பேட்ச் ஒர்க் இருக்கிறது என தெரிவித்துள்ளார். லாக்டவுன் முடிந்து மீண்டும் அரசு ஷூட்டிங் நடத்த அனுமதித்தால் அது நடத்தப்படும் என தெரிவித்துள்ளார்.

கிராக் படம் ரிலீஸ் ஆகாததால் ஏமாற்றத்தில் இருக்கும் ரவி தேஜா ரசிகர்களுக்கு தமன்னா அவரது அடுத்த படத்தில் நடிக்க முடியாது என கூறி இருப்பது அதிர்ச்சியை ஏற்படுத்தியுள்ளது.

மறுபுறம் தமன்னா தற்போது நடித்து முடித்துள்ள பாலிவுட் படம் போலே சுடியான் படத்தின் போஸ்ட் ப்ரொடக்ஷன் பணிகள் முழுமையாக முடிந்துள்ளது. அது பற்றி அதன் இயக்குனர் ஷமாஸ் நவாஸ் சித்திக் ட்விட்டரில் அதை கூறியுள்ளார். நவாஸுதீன் சித்திக்கின் சகோதர தான் சமஸ் நவாஸ் சித்திக் என்பது குறிப்பிடத்தக்கது.

மேலும் தமன்னா அடுத்து கன்னட சினிமாவிலும் கால் பதிக்கவுள்ளார். கேஜிஎப் படத்தில் ஒரு பாடலுக்கு மட்டும் யாஷ் உடன் ஆடியிருப்பார். தற்போது யாஷ் ஜோடியாக ஒரு முழு படத்திலும் அவர் நடிக்க உள்ளதாக செய்திகள் வெளியாகியுள்ளது. தற்போது யாஷ் கேஜிஎப் 2ம் பாகத்தின் ஷூட்டிங்கில் கவனம் செலுத்தி வரும் நிலையில், அவரது அடுத்த படத்திற்கு தான் தமன்னா ஹீரோயினாக தேர்வாகியுள்ளார். அதிகாரபூர்வ அறிவிப்பு விரைவில் வரும் என எதிர்பார்க்கப்படுகிறது.