பாலிவுட் ரீமேக்கில் ராணி ஆகிறார் தமன்னா!

இந்தியில் சூப்பர் ஹிட்டான குயின் படத்தின் தமிழ் ரீமேக்கில் தமன்னா நடிக்கிறார்.

இந்தியில் கங்கனா ரனவத் ஹீரோயினாக நடித்து வெளியான படம் குயின். மிகப்பெரிய வெற்றி பெற்ற அந்த படத்தில் கங்கனாவின் நடிப்பு மிகவும் பாராட்டப்பட்டது. தற்போது, தமிழில் ரீமேக் செய்யப்படவுள்ள அந்த படத்தில் கங்கனாவின் பாத்திரத்தில் நடிக்க தமன்னா ஒப்பந்தம் செய்யப்பட்டுள்ளார்.

தமிழ் ரீமேக் படத்துக்கான வசனத்தை சுஹாசினி மணிரத்னம் எழுதுகிறார். ரேவதி படத்தை இயக்குகிறார்.

இந்தி படத்தை அப்படியே காப்பி அடிக்காமல் தமிழ் சினிமா ரசிகர்களுக்கு ஏற்ப மாற்றங்களுடன் இந்த படம் இயக்கப்படவுள்ளதாக கூறப்படுகிறது. மேலும், குயின் தமிழ் ரீமேக்கில் ஒப்பந்தமானதும் படப்பிடிப்புக்காக ஆர்வமாக காத்திருக்கத் தொடங்கிவிட்டாராம் தமன்னா.