பார்ட் டைம் வேலை பார்க்கும் முன்னணி நடிகைகள்….

தமிழ் சினிமாவில் நடிக்க வந்த பிறகு ஓரிரு ஆண்டுகளுக்கு முன்பே சினிமாவில் இருந்து விலகிவிடுகின்றனர். அவர்கள் சினிமாவை விட்டு வெளியேறுவதற்குள் எவ்வளவு சம்பாதிக்க முடியுமோ அவ்வளவு சம்பாதித்து விட்டு பின் வாழ்க்கையில் செட்டிலாகி விட வேண்டும் என்று எண்ணுகின்றனர்.

இதற்கு பார்ட் டைம் வேலையும் தேர்ந்தெடுந்து பணியாற்றி வருகின்றனர். இதற்கு சினிமாவில் இருக்கும் புகழ் தான் அதற்கு காரணம் என்கிறது தகவல்.

முன்னணி நடிகைகளான தமன்னா, டாப்ஸி, ரகுல்ப்ரீத் சிங், நிஷா அகர்வால், ப்ரணிதா, ஸ்ரேயா சரண் ஆகியோர் பார்ட் டைம் வேலை தொடங்கியுள்ளனர்.

தமன்னா: -விஷாலுடன் கத்திச்சண்டையில் பிஸியாக இருக்கும் நடிகை தமன்னா. தற்போது சொந்தமாக ஒரு நகைக்கடையை தொடங்கி அதற்காக க்ரியேட்டிவ் டிசைனராகவும் இருக்கிறார். wite and gold என்ற இந்த ஜுவல்லரி ஆன்லைன் விற்பனையாக இருந்து வருகிறது.

டாப்ஸி பானு:- தனுஷின் ஆடுகளத்தில் புகுந்து விளையாடிய டாப்ஸிக்கு தமிழில் மார்க்கெட் இல்லை. இதனால் பாலிவுட்டில் பிங்க் என்ற படத்தின் மூலம் சினிமாவிற்கு ரீஎண்ட்ரி கொடுத்துள்ளார். இந்நிலையில், சகோதரி சகுன் பன்னு மற்றும் நண்பர் ஃபாரா பர்வேஸ் உடன் இணைந்து தி வெட்டிங் ஃபேக்டரி என்ற நிறுவனத்தை நடத்தி வருகின்றனர். திருமணங்களை சீரும், சிறப்புமாக நடத்தி தருகின்றனர்.

நிஷா அகர்வால்:- உன்னாலே உன்னாலே படத்தின் மூலம் சதாவிற்கு இணையாக நம்மை கவர்ந்த நிஷா அகர்வால், சகோதரி காஜல் அகர்வாலுடன் இணைந்து ஒரு ஜூவல்லரி தொடங்கியிருக்கிறார். இதன் தொடக்க விழாவையே மும்பையில் உள்ள 5 ஸ்டார் ஹோட்டலில் நடத்தி முடித்துள்ளார் என்பது குறிப்பிட்த்தக்கது.

ப்ரணிதா:- பெங்களூரில் ஒரு ஹோட்டல் ஒன்றையும் நடத்தி வருகிறார். இதில் தமிழ்நாட்டின் உணவு வகைகளும், மெக்சிகனின் உணவு வகைகளும் அடங்கும் என்பது குறிப்பிடத்தக்கது.

ரகுல்ப்ரீத் சிங்:- தெலுங்கில் முன்னணி ஹீரோயினான ரகுல்ப்ரீத் சிங் ஃபிட்னஸ் ஸ்டுடியோவை தொடங்கியிருக்கிறார். எஃப் 45 என்ற ஃபிட்னஸ் ஸ்டுடியோ மூலம் ஃபிட்னஸ் டிப்ஸ் கொடுத்து வருகிறார்.

ஸ்ரேயா சரண்:- மற்றவர்களுக்கு உதவும் வகையில் ஸ்பா எனப்படும் மசாஸ் மையத்தை தொடங்கி நடத்தி வருகிறார். இதில் மாற்றுத்திறனாளிகள் பணியாற்றி வருகின்றனர் என்பது குறிப்பிடத்தக்கது.