காமெடி நடிகர் விவேக்கின் அம்மா மரணம்: அதிர்ச்சியில் திரையுலகம்!

தமிழ் சினிமாவில் தலைசிறந்த நகைச்சுவை நடிகர்களில் ஒருவராக திகழ்பவர் நடிகர் விவேக். சமூக சேவையிலும் அதிகளவில் ஈடுபட்டு வருகிறார். ஏபிஜே அப்துல் கலாமின் ஆணைக்கிணங்க, அவரது வழிகாட்டுதலின் படி நாடு முழுவதும் மரக்கன்றுகளை நட்டும் பணியை மேற்கொண்டு வருகிறார். சினிமாவில், இவர் பேசும் டயலாக்குகள் பெரும்பாலும், சிந்திக்க வைப்பதாகவும், சிரிக்கும்படியாகவும் இருக்கும். சில படங்களில் கதைக்கு ஏற்ப இரட்டை அர்த்தங்களை பேசி விமர்சனத்திற்குள்ளாவதும் வழக்கம்.ஆனால், அதனையெல்லாம் பெரிதாக எடுத்துக்கொள்வதில்லை.

காமெடியைத் தொடர்ந்து ஹீரோவாகவும் சில படங்களில் நடித்துள்ளார். இந்த நிலையில், சென்னையில் வசித்து வந்த விவேக்கின் அம்மா மணியம்மாள் (86) மாரடைப்பு ஏற்பட்ட நிலையில், நேற்று இரவு 12.30 மணிக்கு காலமானார். இதையடுத்து, அவரது உடல் சொந்த ஊரான சங்கரன் கோவில் அருகிலுள்ள பெருங்கோட்டூர் கிராமத்திற்கு கொண்டு செல்லப்பட்டு நாளை காலை 10.30 மணிக்கு தகனம் செய்யப்படுகிறது என்பது குறிப்பிடத்தக்கது.

விவேக்கின் அம்மா மணியம்மாள் மறைவு செய்தி அறிந்த திரையுலகினர் அதிர்ச்சியடைந்துள்ளனர். இதையடுத்து, பிரபலங்கள் பலரும் தங்களது இரங்கலை தெரிவித்து வருகின்றனர் என்பது குறிப்பிடத்தக்கது.