போலந்து பல்கலைக்கழகத்தில் திரையிடப்படும் தமிழ்ப்படம்!

அறிமுக இயக்குநர் விஜயகுமார் இயக்கத்தில் வெளியாகி ரசிகர்களிடம் பெரும் வரவேற்பை பெற்ற உறியடி திரைப்படம் போலந்து பல்கலைக்கழகத்தில் திரையிடப்பட உள்ளது.

விஜயகுமார் நடித்து, இயக்கிய உறியடி திரைப்படம் பல்வேறு தரப்பில் இருந்தும் பாராட்டுக்களை பெற்றது. சினிமா விமர்சகர்கள் அனைவரும் கொண்டாடிய இத்திரைப்படத்திற்கு மேலும் ஒரு அங்கீகாரமாக, இயக்குநருக்கு கூடுதல் ஊக்கமாக போலந்து பல்கலைக்கழகத்தில் படத்தை திரையிட உள்ளனர். சாதி அரசியலை மையமாக வைத்து சமூக அக்கறையுடன் தயாரிக்கப்பட்ட இத்திரைப்படம் விமர்சன் ரீதியிலும், சமூக வலைதளத்திலும் பெரும் வெற்றி பெற்றது.

போலத்தில் உள்ள ராக்லே பல்கலைக்கழகத்தில், திரைப்படங்களில் அரசியலின் பங்கு எனும் கருத்தரங்கில் உறியடி திரைப்படத்தை திரையிட உள்ளனர். நாளை (24.04.17) ராக்லே பல்கலைக்கழகத்தில் உறியடி திரையிடப்பட உள்ள நிலையில், இயக்குநர் விஜயகுமாருக்கு இது பெரும் கௌரவமாக கருதப்படுகிறது.