பிரகாஷ்ராஜ் நடிப்புக்காக கட்டாயம் பார்க்க வேண்டிய படங்கள்!

தனது வில்லத்தனமான நடிப்பால் தென்னிந்திய சினிமாவில் தனக்கென தனி முத்திரை பதித்தவர் பிரகாஷ்ராஜ். தான் நடிக்கும் திரைப்படங்களில் கதாநாயகனுக்கு இணையாக, சில சமயங்களில் ஹீரோவையே மிஞ்சும் வகையில் நடிப்பில் அசத்துபவர். வில்லன்களிலும் ஹீரோயிஸம் செய்யும் நடிகரான பிரகாஷ்ராஜ், சில படங்களில் கதாநாயகனாகவும், குணச்சித்திர வேடங்களிலும் நடித்து மக்களை கட்டிப் போட்டுள்ளார். ஒரு கலைஞனுக்கு தான் வில்லனா, கதாநாயகனா என்பது முக்கியமல்ல, தான் ஏற்று நடித்துள்ள பாத்திரத்தை மக்கள் பேசும்படி செய்வதே அவனது முதல் பணி என்பார்கள். அதை கடைபிடிப்பவர் இவர்தான். வில்லன் நடிகரான பிரகாஷ்ராஜ், தனது அசராத நடிப்பால் நம்மை உருக வைத்து, அழ வைத்த ஐந்து சிறந்த தமிழ் படங்களை இங்கு காண்போம்.