எந்தெந்த பிரபலங்கள் இளையராஜா 75 இசை நிகழ்ச்சியில் கலந்து கொள்கிறார்கள் தெரியுமா?

சென்னை : பிப்ரவரி 2 மற்றும் 3ம் தேதிகளில் இசையமைப்பாளர் இளையராஜாவை கௌரவிக்கும் விதமாகவும், அவரின் 75- ஆவது பிறந்த நாளை கொண்டாடும் விதமாகவும் இந்த விழாவுக்கு ஏற்பாடு செய்யப்பட்டுள்ளது.

இந்த நிகழ்ச்சி திரைத் துறை நிகழ்ச்சி என்பதை தாண்டி மக்களின் சினிமா ரசனை என்றே பார்க்க வேண்டியிருக்கும். இரண்டு நாட்கள் நடைப்பெறும் இந்த நிகழ்ச்சியில் பல திரைத்துறையினரும், பிரபலங்களும் கலந்து கொள்கின்றனர்.

பிரபலங்கள்:
இந்த விழாவை தமிழக ஆளுநர் பன்வாரிலால் புரோகித் குத்து விளக்கேற்றி தொடங்கி வைக்கிறார். இளையராஜா 75 இசை நிகழ்ச்சிக்கு துணை முதல்வர் ஓ. பன்னீர்செல்வம், மத்திய இணை அமைச்சர் பொன். ராதாகிருஷ்ணன் வருவார்கள் என எதிர்பார்க்கப்படுகிறது. நாள் ஒன்றுக்கு 17,0000 ரசிகர்கள் வருவார்கள் என எதிர்பார்க்கப்படுகிறது.

சினிமா நட்சத்திரங்கள் :
இளையராஜா 75 இசை நிகழ்ச்சிக்கு, இசைப்புயல் ஏ.ஆர் ரகுமான் கலந்து கொள்ள உள்ளார். மேலும் முன்னனி நாயகர்களான ரஜினி, கமல் கலந்து கொள்ள உள்ளனர்.

இந்த நிகழ்ச்சியில் நடிகைகள் மஞ்சிமா மோகன், முன்னா, நிக்கி கல்ராணி, இனியா, சுனைனா சாயிஷா, வேதிகா, இனியா, நடன இயக்குனர் தினேஷ், டேனி ஆகியோரின் நடன நிகழ்ச்சி நடக்கிறது.

இளையராஜா 75 டிக்கெட் விலை எவ்வளவு தெரியுமா?

நடிகர் யோகி பாபு, ரோபோ சங்கர், சதீஷ், கோவை சரளா, கார்த்திக்-ராதா ஆகியோரின் காமெடி நிகழ்ச்சி நடைபெறுகிறது.

இசை நிகழ்ச்சியை மெருகேற்றும் விதமாக விஜய் யேசுதாஸ், ஆண்ட்ரியா, எஸ்.எஸ்.தமன், ரம்யா நம்பீசன் ஆகியோர் இளையராஜாவின் சில பாடல்களை பாடுகின்றனர்.


3ம் தேதி முன்னனி நடிகர்கள் கலந்து கொள்வார்கள், ஆனால் யார் யார் வருகிறார்கள் என்பது உறுதியாகவில்லை. இந்த நிகழ்ச்சியை சிறப்பிக்க ஹங்கேரியில் இருந்து சிம்பொனி இசைக்குழு சென்னை வந்துள்ளது. நிகழ்ச்சிக்கான ஒத்திகையில் அவர்கள் ஈடுபட்டுக் கொண்டிருக்கின்றனர்.