Meena: நடிகை மீனாவை நேரில் சந்தித்து ஆறுதல் கூறிய தமிழக அமைச்சர்.!

தமிழ் சினிமாவில் பல முன்னணி நடிகர்களுடன் இணைந்து நடித்துள்ளவர் நடிகை மீனா. தற்போது குணச்சித்திர கதாபாத்திரங்களில் நடித்து வருகிறார். நடிகை மீனாவின் கணவர் வித்யாசாகர் நேற்று முன்தினம் திடீரென மரணமடைந்துள்ள சம்பவம் ரசிகர்கள் மத்தியில் மிகப்பெரிய அதிர்ச்சியை ஏற்படுத்தியுள்ளது.

நடிகை மீனாவின் கணவர் வித்யாசாகர் பெங்களூருவைச் சேர்ந்தவர். இவருக்கும் மீனாவுக்கும் கடந்த 2009ம் ஆண்டு திருமணம் நடந்தது, இவர்களுக்கு நைனிகா எனற மகளும் இருக்கிறார். இந்நிலையில் நுரையீரல் தொடர்பான பிரச்னைக்காக கடந்த சில மாதங்களாக சென்னையில் தனியார் மருத்துவமனையில் தங்கி சிகிச்சை பெற்று வந்த மீனாவின் கணவர் வித்யாசாகர் சிகிச்சை பலனளிக்காமல் உயிரிழந்துள்ளதாக செய்திகள் வெளியாகியுள்ளன.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

புறாக்களின் எச்சம் கலந்த காற்றைச் சுவாசிக்கிற போது உண்டாகக் கூடிய நோய் வித்யாசாகருக்கு ஏற்பட்டுள்ளது. பெங்களூருவில் அவருடைய வீட்டுக்கு அருகே நிறைய புறாக்கள் வளர்க்கப்பட்டு வந்துள்ளது. இதனால் ஏற்பட்ட அலர்ஜி சுவாசப் பிரச்சனையாக மாறியுள்ளது. இதனையடுத்து சென்னை ஆழ்வார்பேட்டையில உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த வித்யாசாகர் சிகிச்சை பலனின்றி காலமானார்.

சென்னை, பெசண்ட் நகர் மின் மயானத்தில் வித்யாசகரின் உடல் தகனம் செய்யப்பட்டது. அவரின் இறுதிச் சடங்குகளை மீனாவும், அவரது மகள் நைனிகாவும் செய்தனர். இந்நிலையில் தமிழக உயர்கல்வித்துறை அமைச்சர் பொன்முடி இன்று மீனாவின் வீட்டிற்கு நேரில் சென்று அவருக்கு ஆறுதல் கூறினார்.

Vanitha Vijayakumar: அண்ணனுக்கு வாழ்த்து சொன்ன வனிதா.. கலாய்க்கும் நெட்டிசன்கள்.!

மீனாவிடம், கவலைப்படாதீர்கள். மனதை தேற்றிக் கொள்ளுங்கள் என்றும் மீனாவுக்கும் அவருடைய மகள் நைனிகாவுக்கும் அமைச்சர் பொன்முடி ஆறுதல் கூறியுள்ளார். அப்போது மீனாவுடன் டான்ஸ் மாஸ்டர் கலா அவர்களும் உடன் இருந்தார் என்பது குறிப்பிடத்தக்கது.