‘சத்ரியன்’ படத்தில் சீரியல் நடிகர்கள்!!

‘சரவணன் மீனாட்சி’ சீரியலில் கதாநாயகன்களாக நடித்த ரியோ மற்றும் கவின் ஆகியோர் இணைந்து ‘சத்ரியன்’ என்ற படத்தில் நடிக்கின்றனர்.

விஜய் டிவியில் ஒளிபரப்பாகி வரும் தொடர் ‘சரவணன் மீனாட்சி’. இந்தத் தொடரின் தற்போது சரவணன் ஆக நடித்துக் கொண்டிருப்பவர் டிவி தொகுப்பாளர் ரியோ. இதற்கு முந்தைய தொடரில் சரவணன் ஆக நடித்தவர் கவின். இந்த இரண்டு தொடர் கதாநாயகன்களும் தற்போது ஒரு படத்தில் நடித்து வருகின்றனர். இவர்கள் இருவருக்கும் இதுதான் முதல் படம்.

‘சத்ரியன்’ படத்தை சத்ய ஜோதி பிலிம்ஸ் தயாரிக்கிறது. இந்தப் படத்தை எஸ்.ஆர்.பிரபாகரன் இயக்கி வருகிறார். ‘சத்ரியன்’ படத்தில் விக்ரம் பிரபு நாயகனாகவும், , மஞ்சிமா மோகன் நாயகியாகவும் நடிக்கின்றனர். இந்தப் படத்தில் இவர்களுடன் நடிகர்கள் கவின், ரியோ ஆகிய இருவரும் முக்கிய கேரக்டரில் நடிக்கின்றனர்.