பெண் கொடுமைக்கு எதிராக உருவாகிறது ’தமிழனானேன்.க’

தமிழகத்தில் மெரினாவில் நடந்து முடிந்த ஜல்லிக்கட்டு போராட்டமான தைப்புரட்சி உலகத்தையே திரும்பிப் பார்க்கச் செய்தது.

தமிழனின் தவறான மனப்போக்கால் தான் பெண்களுக்கு எதிரான வன்முறை கலவரங்கள் நடந்து வருகின்றன. அதனை ஆதித்தமிழன் எதிர்கொண்டல் எப்படிக் கையாள்வான்? அதற்கு தீர்வு காண எப்படி நடந்துக்கொள்வான்? என்பதைப் பேசும் படம் தான் ’தமிழனானேன்.க’.

இப்படத்தை கதை, திரைக்கதை, வசனம், பாடல்கள் எழுதி இயக்கி ஹீரோவாகவும் நடித்திருக்கிறார் சதீஷ் ராமகிருஷ்ணன். இவருக்கு உலகத் தற்காப்புக் கலைகளில் ஆர்வம் அதிகம். குறிப்பாக ஆதித்தமிழனின் தற்காப்புப் கலைகள் மீது தனி ஈடுபாடு உண்டு. இதன் காரணமாக இப்படத்தில் ஆதித் தமிழரின் தற்காப்புக் கலைகளான சிலம்பம், குத்து வரிசை, வர்மம், பிடி வரிசை போன்றவை மட்டுமல்ல குங்பூ, கராத்தே போன்ற உலகின் சிறந்த 8 தற்காப்புக்கலைகளும் காட்டப்பட்டுள்ளன.

சதீஷ் ராமகிருஷ்ணன் உடன் இணைந்து வந்தனா வரதராஜன், சரவணன் ராதாகிருஷ்ணன், பிரித்தா, திருலோகசந்தர், வெங்கட், அத்விக், ஷக்தி, ஜான் ஆகியோர் பலர் நடித்துள்ளனர். இப்படம் பற்றி இயக்குனர் சதிஷ் ராமகிருஷ்ணன் கூறுகையில், "இது தொலைந்து போன நம் பாரம்பரியங்களைத் தேடும் கதை. மசாலா, ஆக்ஷன் அதாவது தொடர்ந்து படம் பார்க்க வேண்டும். ஒரு சீனை விட்டாலும் படம் புரியாது.

மற்றொரு அடுக்கினை நோக்கினால் படத்தில் இருக்கும் தத்துவார்த்தக் கருத்துகள் தெரிய வரும்.. இறுதிகட்டத்தை எட்டியுள்ள இப்படம் விரைவில் திரைக்கு வரும் என்று எதிர்பார்க்கப்படுகிறது.