தளபதியைத் தொடர்ந்து தல ரசிகர்களை சீண்டி பார்க்கும் சிவா!!

சிவா நடிப்பில் நாளை வெளியாக உள்ள ‘தமிழ்படம் 2’ படத்தின் புதிய போஸ்டரில், அஜித்தின் விவேகம் படத்தைப் படக்குழுவினர் கலாய்த்துள்ளனர்.

கடந்த சில ஆண்டுகளுக்கு முன், சி.எஸ்.அமுதன் இயக்கத்தில் சிவா நடித்து வெளியான திரைப்படம் ‘தமிழ்படம்’. ரசிகர்கள் மத்தியில் நல்ல வரவேற்பைப் பெற்ற இந்தப் படத்தின் இரண்டாம் பாகம் ஜூலை 12 ஆம் தேதி வெளியாக உள்ளது.

முந்தைய படத்தில் தமிழ்படங்களின் லாஜிக்கை கலாய்த்த சிவா-சி.எஸ்.அமுதன் கூட்டணி, இந்தப் படத்தில் அரசியல்வாதிகள், நடிகர்கள், முதல்வர், சூப்பர்ஸ்டார் என எல்லோரையும் படம் வெளியாவதற்கு முன்பாகவே கலாய்த்து வருகின்றனர்.


அந்த வகையில், கடந்த சில தினங்களுக்கு முன் நடிகர் விஜய்யின் சர்கார் பட போஸ்டரைக் கலாய்த்து போஸ்டர் ஒன்றை வெளியிட்டனர். இதைத் தொடர்ந்து, நேற்று அஜித் நடிப்பில் கடந்த ஆண்டு வெளியாகி, படுதோல்வியடைந்த விவேகம் படத்தைக் கிண்டல் செய்யும் விதமாக புதிய போஸ்டர் ஒன்றைப் படக்குழுவினர் வெளியிட்டுள்ளனர்.