ஹாலிவுட்டையும் விட்டுவைக்காத தமிழ்ப்படம் 2: அட்டகாசம் செய்த அமுதன்!

அகில உலக சூப்பர் ஸ்டார் சிவா நடிப்பில் வெளியான தமிழ்ப்படம் 2 தமிழகம் முழுவதும் வெற்றிநடைப் போட்டுக் கொண்டிருக்கிறது.

இயக்குநர் சி.எஸ் அமுதன் இயக்கத்தில் சிவா நடிப்பில் வெளியான தமிழ்ப்படம் 2 தான், இப்போது கோலிவுட்டில் பரபரப்பாக பேசப்பட்டுக் கொண்டிருக்கின்றது. முக்கியமாக சிவா மற்றும் சதீஷின் நடிப்பு அனைவரையும் வெகுவாக கவர்ந்துள்ளது.

இந்த நிலையில் கடந்த 10 ஆண்டுகளுக்கு முன் வெளியான தமிழ்ப்படம் முதல் பாகத்தில் கோலிவுட்டின் மிகப் பிரபலமான திரைப்படங்களை எடுத்து கலாய்த்த இயக்குநர் அமுதன், நேற்று வெளியான தமிழ்ப்படம் இரண்டாம் பாகத்தில் ஹாலிவுட் வரை சென்று தாக்கியுள்ளார்.

ஹாலிவுட்டில் வெளியாகி உலகளவில் பிரபலமான Forrest Gump, Game of Thrones, The Silence of the Lambs போன்ற படங்களை வைத்து கலாய் கலாய் என கலாய்த்து வயிறு குலுங்க சிரிக்க வைத்துள்ளார். போதாக்குறைக்கு இன்னும் வெளியே வராத 2.0 படத்தையும் விட்டுவைக்கமாமல் அனைத்து நடிகர்களையும் கிறங்கடித்துள்ளார். சி.எஸ். அமுதன்.

தமிழ்ப்படம் 2 இன்று வெளியான முதல் நாளே பிரபல திருட்டு இணையதளமான தமிழ் ராக்கர்ஸ், அதனை திருட்டுத்தனமாக இணையத்தில் வெளியிட்டு திரைத்துறையினரை கலங்கடித்துள்ளது.

புதிய தமிழ் படங்கள் திரைக்கு வந்த சில நிமிடங்களிலேயே, இன்னும் சொல்லப்போனால் திரைக்கு வரும் முன்பே இணையதளத்தில் திருட்டுத்தனமாக வெளியாகி வருகின்றன. அதில், மிகவும் பிரபலமான இணையதளமாக விளங்குவது தமிழ் ராக்கர்ஸ் டாட் காம் தான்.

தமிழ் ராக்கர்சை ஒழிக்க நடிகரும் தயாரிப்பாளர் சங்க தலைவருமான விஷால் தீவிர முயற்சி எடுத்து வருகிறார். ஆனால், அவருடைய துப்புறிவாளன் திரைப்படத்தையே ஃபுல் ஹெச்டியில் வெளியிட்டு மொத்த தி ரைதுறையினரையும் தமிழ் ராக்கரஸ் அதிர வைத்தது. தொடர்ந்து, ரஜினி நடிப்பில் வெளியான காலா படத்தையும் முதல் நாளே இணையதளத்தில் கசிய விட்டது.


இந்நிலையில், சிவா நடிப்பில், அமுதன் இயக்கத்தில் தமிழ்ப் படம் இரண்டாம் பாகம் இன்று வெளியான நிலையில், இன்றே தமிழ் ராக்கர்ஸ் இணையதளம் அந்த படத்தை திருட்டுத்தனமாக இணையதளத்தில் வெளியிட்டுள்ளது.

டுவிட்டர், பேஸ்புக், வாட்ஸ் அப் போன்ற சமூக வலைதளங்களில் தமிழராக்கர்ஸின் இணையதள பக்கத்தை போட்டோ எடுத்து நெட்டிசன்கள் பகிர்ந்து வருவதால்,தமிழராக்கர்ஸின் இணையதளம் தெரியாதவர்கள் கூட அதன் மூலம் தமிழ்ப்படத்தை பதிவிறக்கம் செய்து வருகின்றனர்.

தமிழ் படம் 2. இப்படத்தில், சிவாவுக்கு ஜோடியாக ஐஸ்வர்யா மேனன், திஷா பாண்டே ஆகியோர் நடித்துள்ளனர். இவர்களுடன் இணைந்து கலைராணி, சதீஷ், கஸ்தூரி, சந்தான பாரதி, மனோபாலா, ஆர்.சுந்தரராஜன், நிழல்கள் ரவி, சேட்டன், எஸ்.சஷிகாந்த் ஆகியோர் பலர் நடித்துள்ளனர்.

_{*Disclaimer: டைம்ஸ் ஆஃப் இந்தியா குழுமம் (சமயம்) திருட்டுதனமாக திரைப்படங்களை பதிவிறக்கம் செய்யும் இணையதளங்களை என்றுமே ஆதரிக்காது. இது செய்திக்காக மட்டுமே விளம்பரத்திற்கு அல்ல.}