வலிமை வில்லனுக்கு ஜோடி.. கருப்பன் தான்யா ரவிச்சந்திரனுக்கு டோலிவுட் வாய்ப்பு

தல அஜித்தின் வலிமை படத்திற்கு ரசிகர்கள் மத்தியில் எவ்வளவு எதிர்பார்ப்பு இருக்கிறது என சொல்லி தெரிய வேண்டியது இல்லை. ஹெச்.வினோத் இயக்கி வரும் அந்த படத்தில் வில்லனாக தெலுங்கு நடிகர் கார்த்திகேயா நடித்து வருகிறார். அவர் ஆர்எக்ஸ்100 என்ற படத்தின் மூலமாக அதிகம் பாப்புலர் ஆனவர். அவர் அஜித் உடன் பணியாற்றுவது பற்றியும், அஜித் சினிமா பின்னணி இல்லாமல் கடின உழைப்பால் உயர்ந்தது பற்றியும் ஒரு முறை பேசி இருந்தார்.

"சினிமா பின்னணி எதுவும் இல்லாமல் வந்து இருந்தாலும் பல கஷ்டங்களை, பல தோல்விகளை சந்தித்தாலும் ஒவ்வ்ரு முறையும் அதிக வலிமையுடன் மீண்டு வந்து தற்போது தமிழ் சினிமாவின் தலயாக இருக்கிறார்.. உங்கள் ஒவ்வொரு பக்கமும் இன்ஸ்பிரேஷனாக எடுத்து கொள்ளலாம்" என அவர் குறிப்பிட்டு இருந்தார்.

கார்த்திகேயா வலிமை படத்தில் நடித்து முடித்த பிறகு ஹீரோவாக ஒரு தெலுங்கு படத்தில் நடிக்க உள்ளார். அந்த படம் பற்றிய அறிவிப்பு இன்று கார்திகேயவின் பிறந்தநாள் ஸ்பெஷலாக வந்திருக்கிறது. இந்த படத்தில் அவர் NIA அதிகாரியாக நடிக்க உள்ளார். இதில் அவரது ஜோடியாக கருப்பன் பட புகழ் தான்யா ரவிச்சந்திரன் நடிக்க உள்ளார்.

சமீபத்தில் தன்னுடைய உடல் எடையை குறைத்திருக்கும் தான்யா சமூக வலைத்தளங்களில் புகைப்படங்களை அதிகம் வெளியிட்டு கவர்ந்து வந்தார். இந்த நிலையில் தான் அவருக்கு தற்போது தெலுங்கு பட வாய்ப்பு கிடைத்திருக்கிறது.


அறிமுக இயக்குனர் Sri Saripalli இயக்கவுள்ள இந்த படத்திற்கு இன்னும் பெயரிடப்படவில்லை. பிரஷாந்த் கே விஹாரி இசை அமைக்க உள்ளார். மேலும் இதில் சாய் குமார், சுதாகர் கோமகுலா, பசுபதி, தணிகெல்லா பரணி உள்ளிட்ட பலர் நடிக்கிறார்கள்.

கருப்பன் படத்தில் கிராமத்து பெண்ணாக நடித்து இருந்த தான்யா ரவிச்சந்திரன் இந்த படத்தில் மாடர்ன் ஆன பெண்ணாக நடிக்கிறாராம். இந்த படம் மட்டுமின்றி தமிழில் சிபி சத்யராஜ் நடிப்பில் மாயோன் என்ற படத்தில் நடிக்கிறார்.

கார்த்திகேயா சினிமாவுக்கு வந்து சில வருடங்கள் மட்டுமே ஆகும் நிலையில் அதிக அளவில் ரசிகர்களை கவர்ந்து இருக்கிறார். அவர் தொடர்ந்து வித்தியாசமான கதைகளை தேர்ந்தெடுத்து நடிப்பதும் அதற்கு காரணம். தற்போது புதிய படத்தின் அறிவிப்பில் அவரது தோற்றமும் ரசிகர்களை கவர்ந்து இருக்கிறது.

தான்யா உடன் அவர் நடிக்கும் படம் மட்டுமின்றி அறிமுக இயக்குனர் Koushik Pegallapati இயக்கத்தில் Chaavu Kaburu Challaga என்ற படத்திலும் அவர் நடிக்க உள்ளார். அதில் அவர் பஸ்தி பலராஜு என்ற கதாப்பாத்திரத்தில் நடித்து வருகிறார். இதில் ஹீரோயினாக லாவண்யா திரிபாதி நடிக்கிறார். கொரோனாவால் நின்றிருக்கும் ஷூட்டிங் விரைவில் மீண்டும் துவங்க உள்ளது.