'திருமதி' ஆன பிரபல டிவி சீரியல் நடிகை ஸ்ரிதிகா: வீடியோ இதோ

மெட்டி ஒலி தொடர் மூலம் சின்னத்திரையில் அறிமுகமானவர் ஸ்ரிதிகா. அவர் தொலைக்காட்சி தொடர்களில் நடிப்பதுடன் படங்களிலும் நடித்து வருகிறார். 18 ஆண்டுகளாக நடித்துக் கொண்டிருக்கும் ஸ்ரிதிகாவுக்கு திருமணம் செய்து வைக்க பெற்றோர் முடிவு செய்தார்கள்.

மாப்பிள்ளை தேடும் படலம் தீவிரமாக நடந்தது. இதை தொடர்ந்து கேரளாவை சேர்ந்த சனீஷுக்கும், ஸ்ரிதிகாவுக்கும் திருமணம் நிச்சயிக்கப்பட்டது. இதையடுத்து டிசம்பர் 30ம் தேதி ஸ்ரிதிகாவுக்கும், சனீஷுக்கும் கேரளாவில் திருமணம் நடைபெற்றது.

கிறிஸ்தவ முறைப்படி திருமணம் நடந்தது. திருமணத்தின்போது எடுத்த வீடியோவை இன்ஸ்டாகிராமில் வெளியிட்டு தான் தற்போது திருமதி ஸ்ரிதிகா சனீஷ் என்று தெரிவித்துள்ளார்.


Jwala Gutta விஷ்ணு விஷாலுடன் நெருக்கமாக இருக்கும் போட்டோக்களை வெளியிட்ட ஜுவாலா

ஸ்ரிதிகா வெளியிட்டுள்ள வீடியோவை பார்த்த ரசிகர்கள் கூறியிருப்பதாவது,

வாழ்த்துக்கள் ஸ்ரிதிகா. பார்க்க மிகவும் அழகாக பொம்மை போன்று இருக்கிறீர்கள். திருமணம் நடந்தாலும் தொடர்ந்து நடிப்பீர்கள் என்று நம்புகிறோம். இன்று போல் என்றும் வாழ வேண்டும் என்று தெரிவித்துள்ளனர்.

ஸ்ரிதிகா கலசம், முகூர்த்தம், கோகுலத்தில் சீதை, நாதஸ்வரம், மாமியார் தேவை, உறவுகள் சங்கமம், வைதேகி, உயிர்மெய், குல தெய்வம், என் இனிய தோழியே, கல்யாணமாம் கல்யாணம், கல்யாண பரிசு 2, அழகு ஆகிய தொடர்களில் நடித்துள்ளார். யாரடி நீ மோகினி படத்தில் நடித்த சரண்யா மோகனுக்கு டப்பிங் பேசியது ஸ்ரிதிகா தான் என்பது குறிப்பிடத்தக்கது.

நடிகையுடன் ஹர்திக் பாண்டியாவுக்கு நிச்சயதார்த்தம்: விரைவில் டும் டும் டும்