டிஆர்பி ரேட்டிங்கிற்காக அஜித்தை உபயோகிக்கும் டிவி சேனல்!

தமிழக ரசிகர்களிடம் அஜித்தின் மாஸூக்கு என்றுமே தனி மவுசு உண்டு. படம் வெளியாகும் நாளாக இருந்தாலும் சரி, தொலைக்காட்சியில் ஒளிபரப்பாகும் நாளிலும் சரி மாஸ் குறையாமல் காணப்படும். இப்படி மாஸ் ஹீரோக்களின் பலத்தை பயன்படுத்தி டிவி சேனல்கள் பண்டிகை தினங்களில் ஒளிபரப்பவே அவர்களின் படங்களை போட்டி போட்டுக்கொண்டு விலை கொடுத்து வாங்கிவிடுவது உண்டு. அந்த வகையில் ரஜினி, கமல், அஜித், விஜய் படங்களை பண்டிகை தினங்களில் ஒளிபரப்பி டிஆர்பி ரேட்டிங்கை உயர்த்திக் கொள்கின்றனர்.

அஜித் நடித்த வேதாளம் படத்தை சில தினங்களுக்கு முன்பு விநாயகர் சதுர்த்தி நாளில் தொலை்காட்சி சேனலில் ஒளிபரப்பப்பட்டது. இதன் மூலம் டிஆர்பி ரேட்டிங் எகிறியதாகவும் கூறப்படுகிறது. இந்நிலையில் ஆயுத பூஜை ஸ்பெஷலாக மீண்டும் வேதாளத்தை திரையிடுகின்றனர். நடிகர்களின் மாஸை வைத்து டிவி சேனல்கள் இதுபோன்று படங்களை ஒளிபரப்பி டிஆர்பியை உயர்த்தி வருகின்றன என்பது குறிப்பிடத்தக்கது.