‘பைரவா’ படத்தில் கோயில் போன்று செட்!

‘பைரவா’ படத்திற்காக கோயில் போல் செட் அமைக்கப்பட்டுள்ளது

பரதன் இயக்கத்தில் விஜய் நடித்து வரும் படம் ‘பைரவா’. இந்தப் படத்தில் விஜய்க்கு ஜோடியாக கீர்த்தி சுரேஷ் நடிக்கிறார். மேலும் படத்தின் படப்பிடிப்பு 90 சதவிகிதம் முடிவடைந்துவிட்டது. மேலும் படத்தை அடுத்த ஆண்டு பொங்கலுக்கு வெளியிட முடிவு செய்துள்ளனர்.

கடந்த சில வாரங்களுக்கு முன் சென்னை பிரசாத் லேப் வளாகத்தில் கோயம்பேடு பஸ்ஸ்டாண்ட் போல செட் அமைத்து அதில் படப்பிடிப்பை நடத்தினர். தற்போது ‘பைரவா’ படத்தின் இறுதிக்கட்டப் படப்பிடிப்பு நடைபெற உள்ளது.

சென்னையில் உள்ள பின்னி மில்லில் பிரம்மாண்ட கோயில் போன்று செட் அமைக்கப்பட்டு வருகிறது. அந்த செட்டில் திருவிழா பாடல் ஒன்றை படமாக்க உள்ளனர். இந்தப் பாடலை மிகப் பிரம்மாண்டமாக எடுக்க திட்டமிட்டுள்ளார் இயக்குனர் பரதன். இந்த திருவிழா பாடல் ‘பைரவா’ படத்தில் ஹைலைட்டாக இருக்கும் என்கின்றனர் படக்குழுவினர். இந்த கோயில் திரு விழா பாடலுக்கு சந்தோஷ் நாராயணன் இசையமைக்க நடிகர் விஜய், நடிகை கீர்த்தி சுரேஷ் உட்பட பல நடனக்கலைஞர்கள் பலர் நடனமாடவுள்ளனர்.