அஜித் விஜய் கூட்டணியில் பிகில்: தாறுமாறாக இருக்கும் போஸ்டர்!

அட்லி விஜய் கூட்டணியில் உருவாகி வரும் தளபதி63 படத்தின் டைட்டில் பிகில் என்றும், இப்படத்தின் ஃபர்ஸ்ட் லுக் போஸ்டரும் வெளியிடப்பட்டுள்ளது இந்த போஸ்டரில் விஜய் அப்பா மகன் என்று இரு வேடங்களில் இருப்பது போன்று உருவாக்கப்பட்டிருந்தது. ஆனால், பிகில் ஃபர்ஸ்ட் லுக் போஸ்டர் வெளியானதிலிந்து தொடர்ந்து டுவிட்டரில் மீம்ஸ் உருவாக்கப்பட்டு டிரெண்டாகி வருகிறது. இதில், வடிவேலு, அஜித், ரஜினிகாந்த், பரத், முக ஸ்டாலின் ஆகியோரைக் கொண்டு மீம்ஸ் உருவாக்கப்படு வருகிறது என்பது குறிப்பிடத்தக்கது.

First Look Poster:இரட்டை வேடத்தில் சும்மா மாஸ் காட்டிய தளபதி: வெளியானது பிகில் ஃபர்ஸ்ட் லுக் போஸ்டர்!

மீன் மார்க்கெட்டில் அப்பா, மகன்: வைரலாகும் பிகில் ஃபர்ஸ்ட் லுக் போஸ்டர்!

இதற்கிடையில், தேவர் மகன் படத்தின் போஸ்டரைப் போன்று பிகில் படத்தின் ஃபர்ஸ்ட் லுக் போஸ்டர் அமைந்துள்ளது என்று புதிய சர்ச்சையை ஏற்படுத்தியது. தொடர்ந்து அட்லி இயக்கி வரும் படங்கள் சர்ச்சையை ஏற்படுத்தி வரும் நிலையில், விஜய்க்கு என்று உருவாக்கப்பட்ட இந்த போஸ்டரில் தல, தளபதி இருந்தால் எப்படி இருக்கும் என்ற கற்பனையில் மீம்ஸ் போடப்பட்டுள்ளது. இதில், அப்பா விஜய்க்குப் பதிலாக தல அஜித் இருப்பது போன்றும், அஜித்துக்கு அருகில் விஜய் இருப்பது போன்றும் இந்தப் போஸ்டர் இடம் பெற்றுள்ளது. உண்மையில், இந்தப் போஸ்டர் விஜய்க்குப் பதிலாக அஜித்திற்கு தான் கச்சிதமாக பொருந்தியுள்ளது என்பது குறிப்பிடத்தக்கது.

தேவர்மகன் படத்தின் சாயலில் பிகில் ஃபர்ஸ்ட் லுக்? சிவாஜி, கமலை காப்பியடித்தாரா விஜய்?



தளபதி விஜய்யின் 46ஆவது பிறந்தநாளை முன்னிட்டு பிகில் படத்தின் ஃபர்ஸ்ட் லுக் போஸ்டர் வெளியிடப்பட்டுள்ளது என்பது குறிப்பிடத்தக்கது. நாளை நள்ளிரவு 12 மணிக்கு விஜய்யின் பிறந்தநாளின் போது பிகில் படத்தின் 2ஆவது லுக் போஸ்டர் வெளியாகவுள்ளது.

இப்படத்தில் விஜய் உடன் இணைந்து நயன்தாரா, விவேக், கதிர், டேனியல் பாலாஜி, ஜாக்கி ஷரூப், யோகி பாபு, இந்துஜா, ரெபா மோனிகா ஜான், வர்ஷா போலம்மா, ராஜ்குமார், தேவதர்ஷினி, ஞானசம்பந்தம், ஆனந்தராஜ் ஆகியோர் பலர் நடித்துள்ளனர். ஏஜிஎஸ் எண்டர்டெயின்மென்ட் நிறுவனம் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். வரும் தீபாவளி பண்டிகையை முன்னிட்டு இப்படம் வெளியாகவுள்ளது என்பது குறிப்பிடத்தக்கது.

அண்மை காலமாக விஜய் நடித்து வரும் படங்கள் பெரும்பாலும் சர்ச்சைக்குள்ளான பிறகு தான் திரைக்கு வருகிறது. உதாரணமாக, சர்கார் படத்தைச் சொல்லலாம் என்பது குறிப்பிடத்தக்கது.