சினிமாவில் நான் நுழைய பிள்ளையார் சுழி போட்டது ‘தல’தான்: சாம்ஸ்!

தமிழ் சினிமாவில் இருப்பவர்கள் தல அஜித்துடன் ஒரு படத்திலாவது நடிக்க வேண்டும் என்று விருப்பப்படாதவர்களே இருக்க முடியாது எனலாம். அதனாலேயே அஜித்துடன் நடிப்பவர்கள் அனைவரும் போட்டி போட்டு நடிப்பர்.

இந்நிலையில் தல அஜித் எனக்கு எப்போதுமே ஸ்பேஷல் தான் என பிரபல காமெடி நடிகரான சாம்ஸ் தனது சமீபத்திய பேட்டியில் கூறியுள்ளார். அவர் அளித்த பேட்டியில், ‘‘அஜித் நடித்த ‘காதல் மன்னன்’ படத்தின் மூலமாக தான் நான் சினிமாக்குள் நுழைந்தேன். இந்தப் படம்தான் என்னுடைய சினிமா வாழ்க்கைக்கு பிள்ளையார் சுழி போட்டது எனலாம்.

‘தல’ படத்தில் இருந்து தான் என் லைஃப். ஆரம்பித்தது. அதனால் எப்போதுமே அஜித் எனக்கு ஸ்பேஷல் தான். அவரது படத்தில் நடிக்க வேண்டும் என ரொம்ப ஆசையாக இருக்கிறது. ‘விஸ்வாசம்’ படத்தில் வந்த வாய்ப்பு மயிரிழையில் நழுவிவிட்டது. ஆனால் இனிமேல் அப்படி நழுவவிடமாட்டேன், கெட்டியாகப் பிடித்துக் கொள்வேன்’’ என்றார்.