சூப்பர் ஸ்டாருக்கு அடுத்து தல அஜித்து தான்: ராதாரவி

ரஜினியின் சூப்பர் ஸ்டார் பட்டத்துக்கு தற்போது சினிமா நட்சத்திரங்கள் இடையே போட்டி நிலவி வருவதாக ஒரு பரவலான கருத்து வெளியாகி வருகிறது. இந்நிலையில், தற்போது ரஜினி இன்னும் படங்களில் நடித்து வருவதால் அதற்கான போட்டிக்கு அர்த்தமே இல்லை.

இந்நிலையில், ரஜினிக்கு அடுத்து தல அஜித்து தான் என்று சமீபத்தில் நடந்த ராம்கி நடித்த இங்கிலீஸ்படம்(English padam) ஆடியோ வெளியீட்டு விழாவில் ராதாரவி கலகலப்பாக பேசியுள்ளார்.

சூப்பர் ஸ்டார் இன்னும் தன்னை இளமையாக காட்டிக்கொண்டிருக்கிறார். மேலும், எங்கு சென்றாலும் எளிமையாகத்தான் செல்வார். எந்தவொரு ஆடம்பரமும் இருக்காது. இப்போது ரஜினிக்கு அடுத்து அஜித் தான். அவரும் ரஜினி மாதிரியே எளிமையாக இருப்பார் எங்கு சென்றாலும் எந்த ஆடம்பரமும் இருக்காது. மேலும், தன்னுடைய தலை நரைச்சதைப் பத்தியெல்லாம் கவலைப் படமாட்டார். தற்போது இவரைப் பார்த்து தலை நரைக்காதவனெல்லாம், சீக்கிரம் தனக்கு தலை நரைக்கக் கூடாதா என்று ஆசைப்பட ஆரம்பித்து விட்டார்கள்.

நானும் கொஞ்ச நாள் இவங்கள பாலோ பண்ணுனேன். ஆனால், என்னை பார்த்து கேட்குறவங்கள் எல்லாம், என்னப்பா வயசாயிடுச்சா என்று தான் கேட்கிறார்கள். ஆனால், தல அஜித்துக்கு மட்டும் தலை நரைச்சால் அதையே பேஷனாக்கிக்கொண்டே இருக்காங்க. இப்படி ராதாரவி பேசிக்கொண்டே போக அரங்கில் ஆரவாரம் எகிறிக்கொண்டே இருக்கு. தற்போது ராதாரவியின் இந்த பேச்சு அஜித் ரசிகர்களிடையே சமூக வலைதளங்களில் பரவலாகி வருகிறது. மேலும், ராதாரவிக்கு அஜித் தன்னுடைய படத்தில் உரிய கவுரவத்தை அளிக்க வேண்டும் என்று ரசிகர்களிடையே கருத்து நிலவி வருகிறது என்பது குறிப்பிடத்தக்கது.