அஜித் மிஸ் பண்ணிய படங்களில் ஒன்று ‘கோ’!

தற்போது நடிகர் அஜித் தமிழ் சினிமாவில் உச்ச நடிகராக இருக்கிறார். இவருக்கு ஏராளமான ரசிகர்கள் உள்ளனர். இந்நிலையில் இவர் பல படங்களில் கமிட் ஆகி பின்னர் ஒரு சில காரணங்களால் அதிலிருந்து விலகியுள்ளார். அவர் நடிக்க மறுத்த எல்லா படங்களுமே வெற்றிப் படங்கள்தான்.

முருகதாஸின் ‘கஜினி’, கௌதம் மேனனின் ‘காக்க காக்க’ ஆகிய இரண்டு படங்களுமே அஜித்துக்குதான் வந்தன. கடைசி நேரத்தில் அது முடியாமல் போக, அது சூர்யா வசம் சென்றது. இதுபோல் மற்றொரு மெகா ஹிட் படத்தையும் இழந்துள்ளார் நடிகர் அஜித்.

கே.வி.ஆனந்த் இயக்கத்தில் ஜீவா நடிப்பில் 2011ம் ஆண்டு வெளிவந்த ‘கோ’ படம் முதலில் அஜித்திற்கு தான் வந்துள்ளதாம். அவர் விட்டுக் கொடுத்ததால் அந்த வாய்ப்பு எனக்கு வந்தது என்று நடிகர் ஜீவா ஒரு பேட்டியில் கூறினார்.இதைக்கேட்ட அஜித் ரசிகர்களுக்கு இப்படி ஒரு மெகா ஹிட் படத்தை நம்ம தல மிஸ் பண்ணிட்டாரே என்று வருத்தப்பட்டனர்.