Comali: அதுக்குள்ள ஓரங்கட்டப்பட்ட தல அஜித்தின் நேர்கொண்ட பார்வை!

சதுரங்க வேட்டை புகழ் ஹெச் வினோத் இயக்கத்தில் அஜித் குமார் நடிப்பில் கடந்த 8ம் தேதி உலகம் முழுவதும் வெளியான படம் நேர்கொண்ட பார்வை. முழுக்க முழுக்க பெண்களை மையப்படுத்திய இப்படத்தில், அஜித் வழக்கறிஞராக நடித்து பெண்களை காப்பாற்றும் காட்சி நீதிமன்றத்தில் கிளாப்ஸ் தான். இப்படத்தில் அஜித்துடன் இணைந்து அபிராமி வெங்கடாச்சலம், ஷ்ரத்தா ஸ்ரீநாத், வித்யா பாலன், டெல்லி கணேஷ், ரங்கராஜ் பாண்டே ஆகியோர் உள்பட 21 பிரபலங்கள் இப்படத்தில் நடித்துள்ளனர். போனி கபூர் தயாரித்துள்ள இப்படத்திற்கு யுவன் சங்கர் ராஜா இசையமைத்துள்ளார்.

Also Read: 73rd Independence Day: சுதந்திர தினத்தைக் கொண்டாடும் தேசப்பற்று பாடல்கள்!

தமிழகம் மட்டுமல்லாமல் கர்நாடகவிலும் அஜித்துக்கு வரவேற்பு கிடைத்துள்ளது. உலகளவிலும் ஃபாக்ஸ் ஆபிஸ் வசூல் குவித்து வரும் இப்படம் இந்தியளவில் நம்பர் 1 இடத்தைப் பிடித்துள்ளது என்பது குறிப்பிடத்தக்கது. அதோடு வெறும் 4 நாட்களில் 100 கோடிக்கும் அதிகமாக வசூல் குவித்த படம் என்ற பெருமையை தல அஜித்தின் நேர்கொண்ட பார்வை படம் படைத்துள்ளது. இதற்கு முன்னதாக விஸ்வாசம் படம் ரூ.100 கோடிக்கும் அதிகமாக வசூல் குவித்திருந்தது குறிப்பிடத்தக்கது.

Also Read: மேடையில் விஜய் சேதுபதி பெயரை ஏன் கூறவில்லை... அதுதான் காரணமா?


இதற்கு முன்னதாக வந்த விஸ்வாசம் படம் ரூ.200 கோடிக்கு மேல் வசூலித்த படம் என்ற பெருமையை பெற்றுள்ளது. ஒரே ஆண்டில் தல அஜித்தின் இரு படங்கள் ரூ.100 கோடிக்கும் அதிகமாக வசூல் கொடுத்த பெருமையை பெற்றுள்ளது. உலகம் முழுவதும் திரையரங்குகளில் வெற்றிநடை போட்டுக்கொண்டிருக்கிறது. இப்படத்தைத் தொடர்ந்து மீண்டும் ஹெச் வினோத் இயக்கத்தில், போனி கபூர் தயாரிப்பில் தல60 படத்தில் அஜித் நடிக்க இருக்கிறார். இப்படத்தின் படப்பிடிப்பு இந்த மாத இறுதியில் தொடங்க இருக்கிறது.


Also Read: 16 வருடம் கோமாவில் இருந்ததால் காமெடி: சிறந்த பொழுதுபோக்கு படமான கோமாளி!


இந்த நிலையில், அறிமுக இயக்குனர் பிரதீப் ரங்கநாதன் இயக்கத்தில் ஜெயம் ரவி மற்றும் காஜல் அகர்வால் ஆகியோர் பலர் நடிப்பில் இன்று வெளியாகியுள்ள படம் கோமாளி. இப்படத்தில் சம்யுக்தா ஹெக்டே, யோகி பாபு, கேஎஸ் ரவிக்குமார் ஆகியோர் பலர் நடித்துள்ளனர். இப்படத்தின் சிறப்பு காட்சிக்காக அஜித்தின் நேர்கொண்ட பார்வை படத்தை பல திரையரங்குகளில் இருந்து திரையரங்கு உரிமையாளர் நீக்கியுள்ளனர். இதன் காரணமாக, நேர்கொண்ட பார்வை படத்தின் சென்னை வசூல் பாதிக்கப்படும் நிலை ஏற்பட்டுள்ளது என்பது குறிப்பிடத்தக்கது.