பெண் உரிமைக்காக போராடும் தல: 2ம் பாரதியாரே என்று அழைத்த ரசிகர்கள்!

இயக்குனர் சதுரங்க வேட்டை புகழ் வினோத் இயக்கத்தில் அஜித் குமார் நடிப்பில் உருவாக்கப்பட்டுள்ள படம் நேர்கொண்ட பார்வை. பிங்க் படத்தின் தமிழ் ரீமேக்காக இப்படம் உருவாக்கப்பட்டுள்ளது. போனி கபூர் இப்படத்தை தயாரித்துள்ளார். யுவன் சங்கர் ராஜா இப்படத்திற்கு இசையமைத்துள்ளார். இவரது இசையில், வானில் இருள், அகலாதே, ஈடிஎம், தீ முகம் தான், வலிமை ஆகிய பாடல்கள் வெளியாகி ரசிகர்களுக்கு விருந்து கொடுத்துள்ளன். பெண்களை மையப்படுத்திய இப்படம் நாளை (ஆகஸ்ட் 8ம் தேதி) உலகம் முழவதும் வெளியாகிறது.

Also Read: Tamil Rockers: ஒரே நாளில் தமிழ் ராக்கர்ஸில் நேர்கொண்ட பார்வை: என்ன தெறிக்கவிடலாமா!

இன்றைய காலத்து இளம் மாடர்ன் பெண்கள், பணக்கார ஆண்களுடன் இரவு நேர விருந்துக்கு சென்ற போது, பிரச்சனையில் சிக்குகின்றனர். அந்த பிரச்சனை அவர்களுக்கு வினையாகவே திரும்ப, அவர்கள் மீது கொலை முயற்சி குற்றம் பதியப்பட்டு கைது செய்யப்படுகின்றனர். அவர்களுக்காகவே, தனியாகவே மனநலம் பாதிக்கப்பட்ட நிலையில் வசித்து வரும் பரத் சுப்பிரமணி (அஜித்) வழக்கறிஞராக நீதிமன்றத்தில் ஆஜராகி வாதாடுகிறார். இறுதியில், அவர்கள் வெளியில் வந்தார்களா? இந்த சமூகம் அவர்களை எவ்வாறு அணுகியது? எனும் கருவோடு வந்திருக்கும் படம் தான் நேர்கொண்ட பார்வை.


இந்த நிலையில், அஜித்தின் பாரதியார் கெட்டப் போஸ்டர் ஒன்று சமூக வலைதளங்களில் வைரலாகி வருகிறது. பெண்கள் விடுதலை குறித்து ஏராளமான கவிதைகள், பாடல்கள், கட்டுரைகள் எழுதியுள்ளார். அதில், ஒன்று தான், புதுமைப் பெண். இதிலுள்ள ஒரு பாடலைக் கொண்டு தான் இப்படத்தின் கதைக்கு ஏற்ப டைட்டில் வைக்கப்பட்டுள்ளது என்று கூறலாம். அந்த பாடல், நிமிர்ந்த நன்னடை நேர்கொண்ட பார்வை என்று தொடங்கும் என்பது குறிப்பிடத்தக்கது.

Also Read: நேர்கொண்ட பார்வை விமர்சனம் - அஜித்தை இந்த வேடத்தில் நீங்கள் பார்த்து இருக்க மாட்டீர்கள்!!


மகாகவி பாரதியைப் போன்று நேர்கொண்ட பார்வை படத்தில் பெண் உரிமைக்காக வாதாடிய (போராடிய) தல அஜித்திற்கு பாரதியின் உடை, தலைப்பாகை அணிந்து மதுரை மாநகர மாவட்ட அஜித் ரசிகர்கள் அவரை பெண் உரிமைக்காக போராட வரும் இரண்டாம் பாரதியாரே என்று அழைத்து போஸ்டர் ஒட்டியுள்ளனர். இந்த போஸ்டர் சமூக வலைதளங்களில் வைரலாகி வருகிறது என்பது குறிப்பிடத்தக்கது.

Also Read: Nerkonda Paarvai: அஜித் படத்தை மறுத்த ஏ.ஆர்.ரஹ்மான்: ஏன் தெரியுமா?


நேர்கொண்ட பார்வை படத்தில் புதுமைப் பெண்களாக பிக் பாஸ் 3 புகழ் அபிராமி, ஷ்ரத்தா ஸ்ரீநாத், ஆண்ட்ரியா தைராங்க் ஆகியோர் பலர் நடித்துள்ளனர். இவர்கள் தான் பிரச்சனைக்கு உள்ளாகின்றனர். இவர்களை காப்பாற்றவே தல அஜித் நீதிமன்றத்தில் வாதாடுகிறார். இறுதியில், என்ன நடந்தது என்பது தான் கிளைமேக்ஸ்.


பொதுவாக தல அஜித் படம் என்றாலே பாசக்கார மதுரை பசங்க, அஜித்துக்கு போஸ்டர், பேனர், கட் அவுட் என்று கலக்குவார்கள். அப்படி அவர்கள் அடித்த போஸ்டர் தான் தற்போது ஹாட் டாப்பிக். ஆம், அந்த பாரதி போஸ்டர். ஒரு புறம் அஜித் மற்றொரு புறம் மகாகவி பாரதியார். இது ஒருபுறம் இருக்க சென்னையில், பிரபல திரையரங்கில் அஜித்தின் புகைப்படத்துடன் நீதிமன்றம் போன்று பேனர் அடித்து அதில், ரசிகர்கள் புகைப்படங்களை இடம் பெறச் செய்துள்ளனர் என்பது குறிப்பிடத்தக்கது.