தல கொஞ்சம் கருணை காட்டுங்க: ரூ.1500 வரையிலும் டிக்கெட் விற்பனை!

தல அஜித்தின் விவேகம் படத்திற்கு அதிக விலைக்கு டிக்கெட்டுகள் விற்கப்படுவதாக புகார்கள் வந்த வண்ணம் உள்ளது.

இயக்குனர் சிவா இயக்கத்தில் தல அஜித், காஜல் அகர்வால், அக்ஷரா ஹாசன், விவேக் ஓபராய் ஆகியோர் பலர் நடிப்பில் உருவாகியுள்ள படம் விவேகம். உலகெங்கும் கிட்டத்தட்ட 3200க்கும் அதிகமான திரையரங்குகளில் இன்று முதல் கோலாகலமாக வெளியாகிறது. ரசிகர்கள், சினிமா பிரபலங்கள் பலரும் படத்தை காண ஆவலுடன் காத்துக்கொண்டிருக்கின்றனர். ரூ.110 கோடி செலவில் உருவான இப்படம் முன்பதிவில் மட்டும் ரூ.120 கோடி வசூல் படைத்துள்ளது. விவேகம் படத்தின் முதல் நாள் முதல் ஷோ பார்க்கும் ஆர்வத்தில் இருக்கும் ரசிகர்களிடம் ரூ.800 முதல் ரூ.1500 வரையிலும் டிக்கெட் கட்டணங்கள் வசூலிக்கப்படுவதாக புகார்கள் வந்த வண்ணம் உள்ளது. இதன் காரணமாக சினிமா உலகில் மிஸ்டர் கிளீன் என்றழைக்கப்படும் தல, இது போன்ற முறைகேடுகளை தடுக்க நடவடிக்கை எடுக்க வேண்டும் என்று கோரிக்கை வைத்துள்ளனர் ரசிகர்கள்.