Viswasam: 2018ல் ரசிகர்களை ஏமாற்றிய தல அஜித்: விஸ்வாசத்திற்காக வெயிட்டிங்!

இந்த ஆண்டு எந்தவொரு படத்தையும் வெளியிடாமல், தல அஜித் அவரது ரசிகர்களை ஏமாற்றியுள்ளார்.

தமிழ் சினிமாவில் முன்னணி மாஸ் ஹீரோக்களில் ஒருவராக இருப்பவர் நடிகர் அஜித்குமார். குறைந்தது வருடத்திற்கு ஒரு படத்திலாவது நடித்து அதனை ஹிட் கொடுத்தும் வருவார். ஒரு படத்தில் நடித்தாலும், அவரது நடிப்பையும், படத்தையும், பாராட்டாமல் யாராலும் இருக்க முடியாது. அதோடு மட்டுமல்லாமல், அந்தப் படம் பாக்ஸ் ஆபிஸூம் ஹிட் கொடுக்கும் என்பது குறிப்பிடத்தக்கது. இந்த நிலையில், சிவா இயக்கத்தில் வீரம், வேதாளம் மற்றும் விவேகம் ஆகிய படங்களில் நடித்து அதனை ஹிட்டாக்கியும் விட்டார்.

கடந்த 2014ம் ஆண்டு ஜனவரி 10ம் தேதி சிவா இயக்கத்தில் தல அஜித் நடிப்பில் வீரம் படம் வெளியானது. இப்படம் பாக்ஸ் ஆபிஸ் வசூலில் ரூ.130 கோடி வரையில் வசூல் செய்தது என்று தகவல் தெரிவிக்கின்றது.

Also Read This: குழந்தையை தாலாட்டு பாடல் பாடி தூங்க வைக்கும் தல அஜித்: விஸ்வாசம் படத்தின் கண்ணான கண்ணே பாடல் லிரிக் வீடியோ வெளியீடு!


தொடர்ந்து, சிவா இயக்கத்தில் தல அஜித் நடிப்பில் உருவான வேதாளம் படம் கடந்த 2015ம் ஆண்டு நவம்பர் 10ம் தேதி தீபாவளி பண்டிகையை முன்னிட்டு திரைக்கு வந்தது. ரூ.61 கோடி பட்ஜெட்டில் உருவான இப்படம் ரூ.103 கோடி வரையில் பாக்ஸ் ஆபிஸ் வசூல் கொடுத்தது என்று விக்கிபீடியா தகவல் தெரிவிக்கின்றது.

இதே போன்று, சிவா இயக்கத்தில் தல அஜித் நடிப்பில் உருவான விவேகம் படம் கடந்த 2017ம் ஆண்டு ஆகஸ்ட் 24ம் தேதி திரைக்கு வந்தது. ரூ.130 கோடி பட்ஜெட்டில் உருவான இப்படம் ரூ.167 கோடி வரையில் வசூல் செய்தது என்று விக்கிபீடியா தகவல் தெரிவிக்கின்றது.

இந்த நிலையில், தற்போது வீரம், வேதாளம் மற்றும் விவேகம் ஆகிய படங்களைத் தொடர்ந்து மீண்டும் சிவா இயக்கத்தில் தல அஜித் விஸ்வாசம் படத்தில் நடித்துள்ளார். இப்படம், வரும் பொங்கல் பண்டிகையை முன்னிட்டு திரைக்கு வரவுள்ளது என்பது குறிப்பிடத்தக்கது.

தொடர்ந்து 2011ம் ஆண்டு முதல் வருடம் தோறும் படங்களை வெளியிட்டு வந்த தல அஜித், 2016ம் ஆண்டு மட்டும் படம் வெளியிடவில்லை. இதே போன்று தான், 2018ம் ஆண்டும். இந்தாண்டில் கூட ஒரு படமும் வெளியாகவில்லை. இதனால், அஜித் ரசிகர்கள் மிகுந்த ஏமாற்றத்தில் இருக்கின்றனர். ஆனால், ஒரு வகையில், அஜித் ரசிகர்கள் கொஞ்சம் உற்சாகமடைந்துள்ளனர். அது என்னவென்றால், படத்தில் பூஜை, பாடல்கள் என்று அமர்க்களப்படுத்தியுள்ளார் என்பது குறிப்பிடத்தக்கது.