நஷ்டத்தை ஏற்படுத்திய விவேகம்: அதிர்ச்சியை ஏற்படுத்திய விநியோகஸ்தர்!

தல அஜித் நடிப்பில் வெளிவந்த விவேகம் நஷ்டத்தை ஏற்படுத்திவிட்டதாக விநியோகஸ்தர் அதிர்ச்சி தகவலை வெளியிட்டுள்ளார்.

வீரம், வேதாளம் ஆகிய படங்களைத் தொடர்ந்து சிவா இயக்கத்தில் தல அஜித் நடிப்பில் கடந்த 24ம் தேதி உலகம் முழுவதும் வெளிவந்த படம் விவேகம். வெளிவந்தது முதல் எதிர்மறையான விமர்சனங்களை பெற்று வந்த இப்படம் ரூ.100 கோடியை தாண்டி விட்டதாக அறிவிப்புகள் வெளியாகியது. இந்நிலையில், தமிழ்நாடு மாநில திரையரங்க உரிமையாளர் சங்கத்தின் துணைத் தலைவர் ஸ்ரீதர் என்பவர் தனியார் தொலைக்காட்சி ஒன்றிற்கு பேட்டியளித்தார். அப்போது அவர் கூறுகையில், தல அஜித் நடித்த விவேகம் நல்ல படம் என்றாலும், வர்த்தக ரீதியாக விநியோகஸ்தர்களுக்கு 40 முதல் 50 சதவீதம் வரை நஷ்டம் ஏற்பட்டுள்ளது என்று அவர் கூறியுள்ளார்.

அஜித்தும், விவேகம் படக்குழுவினரும் தான் எங்களுக்கு ஏற்பட்ட நஷ்டத்தை ஈடுகட்ட வேண்டும் என்று கூறியுள்ளார்.