எம்.ஜி.ஆரின் பிறந்த நாளை ஒட்டி 'தலைவி' படத்தின் புதிய ஸ்டில் வெளியீடு!

முன்னாள் முதல்வர், புரட்சித் தலைவர், மக்கள் திலகம், எம்ஜிஆரின் 104வது பிறந்த நாள் இன்று தமிழகம் முழுவதும் சிறப்பாகக் கொண்டாடப்பட்டு வருகிறது. எம்ஜிஆர் வாழ்ந்த ராமாவரம் தோட்டத்தில் உள்ள வீட்டிற்கு அரசியல்வாதிகள் பொதுமக்கள் என அனைவரும் சென்று அவரது சிலைக்கு மாலை அணிவித்து மரியாதை செய்து வருகிறார்கள். இந்நிலையில் 'தலைவி' படத்தின் புதிய ஸ்டில்லை படக்குழு வெளியிட்டுள்ளது. மறைந்த முதல்வர் ஜெயலலிதாவின் வாழ்க்கை வரலாறு திரைப்படமான 'தலைவி' என்ற திரைப்படம் உருவாகி வருகிறது. இத்திரைப்படத்தை ஏ.எல்.விஜய் இயக்குகிறார்.

தமிழ், இந்தி உள்ளிட்ட மொழிகளில் உருவாகி வரும் இந்தப் படத்தில் கங்கனா ரணாவத் ஜெயலலிதா கேரக்டரிலும், அரவிந்த் சாமி எம்.ஜி.ஆர் கதாபாத்திரத்திலும் நடித்துள்ளனர். விஷ்ணு வர்தன் இந்துரி மற்றும் சாய்லேஷ் ஆர் சிங் ஆகியோர் இணைந்து தயாரிக்கும் இந்தப் படத்திற்கு ஜி.வி.பிரகாஷ் இசையமைக்கிறார். கே.வி.விஜயேந்திர பிரசாத் கதை எழுதியுள்ளார். ஜெயலலிதாவின் சினிமா வாழ்க்கை முதல் அரசியல் வாழ்க்கையிலான காட்சிகள் இப்படத்தில் காட்டப்பட்டுளாது. தலைவி படத்திற்காக தமிழில் பேசவும் பயிற்சி எடுத்துக் கொண்டார் கங்கனா.

விஜய்க்கு வில்லனாகும் அஜித் பட வில்லன்?
அது மட்டுமின்றி பரத நாட்டியம் ஆடவும் கற்று கொண்ட அவர் ஷூட்டிங் ஸ்பாட்டில் பரத நாட்டிய உடையில் எடுத்த சில புகைப்படங்களையும் வெளியிட்டு இருந்தார். அது சமூக வலைத்தளங்களில் அதிகம் வைரலாகி இருந்தது என்பது குறிப்பிடத்தக்கது. மேலும் அவர், ஜெயலலிதா போல தோற்றமளிப்பதற்காக ஸ்பெஷலான prosthetic மேக்கப் போடப்படுகிறது. அதற்காக கங்கனா அமெரிக்காவுக்கு சென்று prosthetic லுக் டெஸ்ட் எடுத்திருந்தார். ஜேசன் காலின்ஸ் என்ற ஹாலிவுட் புகழ் கலைஞர் தான் கங்கனாவின் தோற்றத்திற்காக இந்தப் படத்தில் பணியாற்றி இருக்கிறார்.

அவர் Blade Runner, Captain Marvel போன்ற பல படங்களில் பணியாற்றியவர் என்பது குறிப்பிடத்தக்கது. இந்த நிலையில் 'தலைவி' படக்குழுவினர் சற்று முன் எம்.ஜி.ஆர் - ஜெயலலிதா கேரக்டர்களின் ரொமான்ஸ் புகைப்படத்தை வெளியிட்டுள்ளனர். எம்.ஜி.ஆர் வேடத்தில் நடித்த அரவிந்தசாமி மற்றும் ஜெயலலிதா வேடத்தில் நடிக்கும் கங்கனா ரணாவத் ஆகிய இருவரும் தோன்றும் இந்த ரொமான்ஸ் ஸ்டில் சற்றுமுன் வெளியாகியுள்ள நிலையில் இந்த ஸ்டில் தற்போது இணையதளத்தில் வைரலாகி வருகிறது. இப்படத்தின் ஃபர்ஸ்ட் லுக் போஸ்டர் மற்றும் டீசர் வெளியான போது, உண்மையில் போஸ்டரை பார்க்கும் போது ஜெயலலிதா மாதிரியும் தெரியவில்லை.


தில் இருக்கானு சவால் விட்ட நெட்டிசன்ஸ்: செஞ்சு காட்டிய விஜய்
கங்கனா ரணாவத் மாதிரியும் தெரியவில்லை என்று ரசிகர்கள் பலரும் விமர்சனம் தெரிவித்து இருந்தனர் என்பது குறிப்பிடத்தக்கது. தலைவி படம் ஜூன் 26ம் தேதி வெளிவரும் என அறிவித்து இருந்தனர். ஆனால் ஷூட்டிங் கொரோனா லாக் டவுனால் பாதிக்கப்பட்டு உள்ள நிலையில், சொன்ன தேதியில் ரிலீஸ் செய்ய வாய்ப்பு இல்லை. தமிழ், தெலுங்கு மற்றும் ஹிந்தியில் ஒரே நேரத்தில் தலைவி வெளியாகும் என்றும் படக்குழு அறிவித்து இருந்தது. இப்படம், 2021ஆம் ஆண்டு பிப்ரவரி 24ஆம் தேதி ஜெயலலிதாவின் பிறந்த நாளன்று ரிலீஸ் செய்ய திட்டமிட்டுள்ளதாக கூறப்படுகிறது.