என்ன மனுஷன்யா இவரு.. 'தளபதி 66' படக்குழுவினரை ஆச்சரியப்படுத்திய விஜய்..!

நெல்சனின் டாக்டர் படம் வெளியாவதற்கு முன்பே பீஸ்ட் படத்தை பற்றிய அறிவிப்பு வெளியானது. அதன் பிறகு சிவகார்த்திகேயன் நடிப்பில் வெளியான டாக்டர் படம் மிகப்பெரிய ஹிட்டடித்ததால் ரசிகர்கள் மத்தியில் 'பீஸ்ட்' படத்திற்கு மிகப்பெரிய எதிர்பார்ப்பு நிலவியது. இந்நிலையில் கடந்த மாதம் வெளியான இந்தப்படம் ரசிகர்கள் மத்தியில் எதிர்பார்த்த வரவேற்பை பெறவில்லை.

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் 'பீஸ்ட்' படத்தை இயக்கினார் நெல்சன் திலீப்குமார். மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்ட பலர் இந்த படத்தில் நடித்திருந்தனர். ஆனால் விஜயகாந்த் காலத்து கதையை படமாக எடுத்துள்ளதாக நெல்சனை விஜய் ரசிகர்கள் கடுமையாக விளாசினர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'பீஸ்ட்' படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் 'தளபதி 66' படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. அதனை தொடர்ந்து அண்மையில் 'தளபதி 66' படத்தின் படபிடிப்பு பூஜையுடன் துவங்கியது. இந்தப்படத்தில் விஜய்யின் ஜோடியாக ராஷ்மிகா மந்தனா நடிக்கிறார்.

'தளபதி 66' படப்பிடிப்பு ஹைதராபாத்தில் முழு வீச்சில் நடைபெற்று வருகிறது. பொதுவாக உச்ச நட்சத்திரத்தில் படப்பிடிப்புகளின் போது தங்கள் சம்பந்தமான காட்சிகள் தவிர மற்ற காட்சிகள் படமாக்கப்படும் போது கேரவனுக்கு சென்ற விடுவது வழக்கம். ஆனால் விஜய் 'தளபதி 66' படப்பிடிப்பு தளத்தில் முழு நேரமும் இருந்து மற்ற நடிகர்களின் காட்சிகள் படமாக்கப்படுவதையும் பார்த்து வருகிறாராம்.

நிர்வாணமாக நடிக்க மறுத்ததால் பறிபோன பட வாய்ப்பு: நடிகை பூர்ணா வருத்தம்..!
விஜய் செய்யும் இந்த காரியத்தை படக்குழுவினர் ஆச்சரியமாக பார்த்து வருவதாக தகவல்கள் வெளியாகியுள்ளன. குடும்ப பின்னணி படமாக உருவாகும் இந்தப் படத்திற்கு தமன் இசையமைக்கிறார். 'தளபதி 66' படத்தில் சரத்குமார் விஜய்யின் அப்பாவாகவும், ஷாம் அண்ணனாகவும் நடித்து வருவது குறிப்பிடத்தக்கது.