Vijay: மீண்டும் தெலுங்கு இயக்குனர் படத்தில் விஜயண்ணா: சம்பளம் மட்டும் இத்தனை கோடியாம்..!

விஜய் தற்போது 'லியோ' படத்தில் நடித்து வருகிறார். லோகேஷ் கனகராஜ் இயக்கத்தில் கோலிவுட் சினிமாவே அதிகம் எதிர்பார்க்கும் படமாக லியோ உருவாகி வருகிறது. இதன் படப்பிடிப்பே முடியாத நிலையில் விஜய்யின் அடுத்த படத்தை இயக்க போவது யார் என்ற விவாதம் சோஷியல் மீடியாவில் சூடு பிடிக்க துவங்கியுள்ளது. இந்நிலையில் லியோவை தொடர்ந்து 'தளபதி 68' படத்திற்காக விஜய் வாங்கவுள்ள சம்பளம் குறித்த தகவலகள் வெளியாகி இணையத்தில் வைரலாகி வருகிறது.

விஜய் நடிப்பில் கடைசியாக 'வாரிசு' படம் வெளியானது. தமிழ், தெலுங்கு மொழியில் தில் ராஜு தயாரிப்பில் வம்சி பைடிபள்ளி இயக்கத்தில் இந்தப்படம் வெளியானது. 'வாரிசு' படம் பேமிலி ஆடியன்ஸ் மத்தியில் வரவேற்பை பெற்றாலும், ரசிகர்கள் மத்தியில் சீரியல் போல் இருப்பதாக நெகட்டிவ் விமர்சனங்களை குவிந்தது. இதனால் விஜய்யின் அடுத்த படத்தை பெரிதும் எதிர்நோக்கி காத்திருக்கின்றனர் ரசிகர்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ஏனென்றால் 'மாஸ்டர்' படத்திற்கு பிறகு விஜய், லோகேஷ் கனகராஜ் இருவரும் இரண்டாவது முறையாக இணைந்துள்ளனர். 'விக்ரம்' படத்தின் இமாலய வெற்றி மூலம் ஒட்டுமொத்த கோலிவுட் சினிமாவின் கவனத்தை ஈர்த்த லோகேஷ் இயக்கத்தில் விஜய் தற்போது நடிப்பது ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது. மேலும் இந்தப்படம் முழுக்க முழுக்க லோகேஷ் கனகராஜ் பாணியில் உருவாகவுள்ளது.

'லியோ' படத்தின் படப்பிடிப்பு ஒரு மாதங்களுக்கும் மேலாக காஷ்மீரில் நடந்தது. அண்மையில் காஷ்மீர் ஷெட்யூலை நிறைவு செய்து இந்தியா திரும்பியுள்ளனர் படக்குழுவினர். மேலும், சென்னையில் 'லியோ' படத்தின் அடுத்தக்கட்ட படப்பிடிப்பு விரைவில் துவங்கவுள்ளது. இந்நிலையில் தான் விஜய்யின் அடுத்த பட இயக்குனர் குறித்த தகவல்கள் வெளியாகி சோஷியல் மீடியாவில் வைரலாகி வருகிறது.

ஹேய் எப்புட்றா.. ரெட் ஜெயன்ட் சொத்து மதிப்பு ரூ. 2000 கோடியா.?: உதயநிதி மரண கலாய்.!

அதன்படி விஜய்யின் 68 வது படத்தை தெலுங்கு இயக்குனர் கோபிசந்த் மலினேனி இயக்கவுள்ளதாக தகவல்கள் வெளியாகி ரசிகர்கள் மத்தியில் அதிர்ச்சியை ஏற்படுத்தியுள்ளது. இந்நிலையில் இதுக்குறித்து பேசியுள்ள சினிமா விமர்சகர் வலைப்பேச்சு பிஸ்மி, 'தளபதி 68' படத்தை கோபிசந்த் மலினேனி இயக்குவது உறுதி என கூறியுள்ளார். இவர் சொன்ன கதை விஜய்க்கு பிடித்து போனதால் படம் பண்ண ஒப்புக்கொண்டுள்ளதாகவும் தெரிவித்துள்ளார்.

மேலும் இந்தப்படத்தினை மைத்ரி மூவிஸ் நிறுவனம் தயாரிக்க்கவுள்ளதாகவும், இந்தப்படத்திற்காக விஜய்க்கு ரூபாய் 135 கோடி வரை சம்பளம் பேசப்பட்டுள்ளதாகவும் தெரிவித்துள்ளார். இதன்மூலம் சினிமாவில் அதிக சம்பளம் வாங்கும் டாப் நடிகர்கள் பட்டியலில் விஜய் இணைந்துள்ளார். கோபிசந்த் மலினேனி அண்மையில் பாலகிருஷ்ணா நடிப்பில் வெளியான 'வீர சிம்ஹா ரெட்டி' படத்தை இயக்கியிருந்தது குறிப்பிடத்தக்கது.

Allu Ramesh: பிரபல காமெடி நடிகர் திடீர் மரணம்: சோகத்தில் மூழ்கிய திரையுலகம்.!