தனது கார் டிரைவரின் மகள் கல்யாணத்தில் மனைவி சங்கீதாவுடன் கலந்து கொண்ட தளபதி!

தனது கார் டிரைவரின் மகள் திருமணத்தில் தளபதி விஜய் மனைவி சங்கீதாவுடன் கலந்து கொண்டு மணமக்களை வாழ்த்தியுள்ளார்.

தமிழ் சினிமாவில் முன்னணி மாஸ் ஹீரோக்களில் ஒருவராக இருப்பவர் தளபதி விஜய். தெறி, மெர்சல் ஆகிய படங்களைத் தொடர்ந்து தற்போது 3ஆவது முறையாக இயக்குனர் அட்லியுடன் இணைந்து தனது 63ஆவது படத்தில் பிஸியாக நடித்து வருகிறார். வில்லு படத்தைத் தொடர்ந்து நயன்தாரா இப்படத்தில் விஜய்க்கு ஜோடியாக நடித்து வருகிறார்.

ஏஜிஎஸ் நிறுவனம் இப்படத்தை தயாரித்து வருகிறது. மேலும், கதிர், விவேக், யோகி பாபு, டேனியல் பாலாஜி, ஆனந்த்ராஜ் ஆகியோர் பலர் நடித்து வருகின்றனர். இப்படத்தில் விஜய் கால்பந்து பயிற்சியாளராக நடித்து வருகிறார்.

ஏ.ஆர்.ரஹ்மான் இப்படத்திற்கு இசையமைக்கிறார். தற்போது சென்னையில் உள்ள எஸ்.ஆர்.எம் கல்லூரியில் இப்படத்தின் படப்பிடிப்பு நடந்து வருகிறது. இந்த நிலையில், படப்பிடிப்பிற்கு இடையில், தன்னிடம் 18 வருடத்திற்கும் மேலாக டிரைவராக பணியாற்றி வரும் ராஜேந்திரன் என்பவரின் மகள் திருமண நிகழ்ச்சியில், தளபதி விஜய், மனைவி சங்கீதாவுடன் கலந்து கொண்டு மணமக்களை வாழ்த்தியுள்ளார். அப்போது எடுக்கப்பட்ட புகைப்படங்கள் சமூக வலைதளங்களில் வைரலாகி வருகிறது.

மேலும், கீர்த்தி சுரேஷ், வரலட்சுமி சரத்குமார், இயக்குனர் அட்லி ஆகியோர் பலரும் இந்த திருமண நிகழ்ச்சியில் கலந்து கொண்டுள்ளனர் என்பது குறிப்பிடத்தக்கது.

முதலில், விஜய்யின் அப்பா எஸ்.ஏ.சந்திரசேகருக்கு டிரைவராக பணியாற்றிய ராஜேந்திரன் அதன் பிறகு தளபதி விஜய்யின் பெர்சனல் டிரைவராகி கிட்டத்தட்ட 15க்கும் மேற்பட்ட ஆண்டுகளாக பணியாற்றி வருகிறார் என்பது குறிப்பிடத்தக்கது.