பரபரப்பை ஏற்படுத்திய விஜய் போஸ்டர் !

மதுரை: நடிகர் விஜய்க்கு பிறந்த நாளுக்காக மதுரையில் அவரது ரசிகர்கள் ஒட்டியிருக்கும் போஸ்டர் பரபரப்பை ஏற்படுத்தியுள்ளது.

தமிழகத்தில் முன்னாள் முதல்வர் ஜெயலலிதா மறைவுக்கு பின் ரஜினி, கமல் அரசியல் நடவடிக்கைகள் வேகம் எடுத்துள்ளது. ரஜினிவிரைவில் கட்சி துவங்கவுள்ளார். கமல் ஏற்கனவே மக்கள் நீதி மய்யம் கட்சியை துவங்கியுள்ளார்.

இந்நிலையில் அஜித், விஜய் ரசிகர்களும் அவர்கள் அரசியலுக்கு வரவேண்டும் என பல இடங்களில் போஸ்டர்கள் ஒட்டி வருகின்றனர். வரும் 22ம் தேதி விஜய் பிறந்தநாள் கொண்டாடப்படுகிறது.
இதற்காக மதுரை விஜய் ரசிகர் மன்றம் சார்பில் பல இடங்களில் போஸ்டர்கள் ஒட்டிவருகின்றனர்.

தமிழர்களின் போராட்டம் தொடர்கதை. எங்கள் தளபதி அதை மாற்றிடுவார். வருங்கால முதல்வரே, விவசாயிகளின் தோழரே என அரசியலுக்கு அழைக்கும் விதத்தில் பல போஸ்டர்கள் ஒட்டப்பட்டுள்ளது.
கடந்த மே மாதம் அஜித் பிறந்த நாளின் போது அவரின் ரசிகர்கள் போஸ்டர்களை ஒட்டி பரபரப்பை ஏற்படுத்தினர்.