மோடி, ரஜினியை தூக்கி சாப்பிட்ட தளபதி; 2018ல் மரண மாஸ் காட்டிய நடிகர் விஜய்!

தொழில்நுட்பம் நன்கு வளர்ந்துவிட்ட தற்போதைய சூழலில், சமூக வலைத்தளங்களின் பங்கு தவிர்க்க முடியாதது ஆகிவிட்டது. இதில் சினிமா, அரசியல் என பல்வேறு துறையினர் மிகவும் சுறுசுறுப்பாக இயங்கி வருகின்றனர்.

அவர்களை கோடிக்கணக்கில் பின் தொடர்ந்து கொண்டிருக்கின்றனர். இதனால் அவர்களது சிறிய செய்தியும், மிகப்பெரிய தலைப்புச் செய்தியாக உருவெடுத்து விடுகிறது. அவற்றில் பேஸ்புக், டுவிட்டர், வாட்ஸ்-அப் உள்ளிட்டவை அடங்கும்.

இந்நிலையில் 2018ஆம் ஆண்டிற்கான டுவிட்டர் டிரெண்ட்ஸின் டாப் 10 பட்டியல் வெளியாகியுள்ளது. அதில் தென்னிந்திய நடிகர்கள், திரைப்படங்கள் உள்ளிட்டவையே ஆதிக்கம் செலுத்தியுள்ளன.

குறிப்பாக டாப் 10ல் 7 இடங்களை தென்னிந்திய திரையுலகம் தன் வசப்படுத்தியுள்ளது. அதில், விஜய் நடித்த ’சர்கார்’ படத்தின் ஹேஷ்டேக் #Sarkar முதலிடத்தைப் பிடித்துள்ளது.

இதற்கடுத்து அஜித்தின் ‘விஸ்வாசம்’ #Viswasam இரண்டாவது இடத்தில் உள்ளது. இதற்கடுத்த இடங்களில் பரத் அனே நேனு #BharatAneNenu, அரவிந்த சமேதா #AravindhaSametha, ரங்காஸ்தலம் #Rangasthalam, காலா #Kaala ஆகிய படங்கள் இருக்கின்றன.

மேலும் #MeToo, #KarnatakaElection, #KeralaFloods, #Aadhaar, #JusticeForAsifa, #DeepVeer, #IPL2018, #WhistlePodu, #AsianGames2018 என்ற ஹேஸ்டேக்குகளும் முக்கியத்துவம் பெற்றுள்ளன.

அதிக லைக்குகள் பெற்றதில் விராட் கோலியின் மனைவி அனுஷ்கா ஷர்மாவின், கார்வாசவுத் என்ற பண்டிகையின் போது எடுக்கப்பட்ட புகைப்படம் முதலிடம் பிடித்துள்ளது. இது 2,15,000 லைக்குகளைப் பெற்றுள்ளது.

அதிகம் பேசப்பட்ட அரசியல் தலைவர்களில் மோடி முதலிடத்தையும், அவரைத் தொடர்ந்து ராகுல் காந்தியும் உள்ளார்.