எஸ்.ஏ.சி.
இயக்குநரும், நடிகருமான எஸ்.ஏ.சந்திரசேகர் தன் யூடியூப் சேனலில் பல சுவாரஸ்யமான தகவல்களை வெளியிட்டு வருகிறார். இந்நிலையில் தன் இரண்டாவது திருமணம் பற்றி அவர் பேசிய வீடியோ பலரின் கவனத்தையும் ஈர்த்துவிட்டது. அந்த வீடியோவில் எஸ்.ஏ.சி. கூறியிருப்பதாவது, நான் கிறிஸ்தவ குடும்பத்தில் பிறந்தேன். ஷோபா இந்து. சிவாஜி சாரின் மனைவி தாலி எடுத்துக் கொடுத்தார், கல்யாணம் பண்ணிக்கிட்டோம். எந்த மதப்படி என்று தெரியாது.
இரண்டாவது திருமணம்
சர்ச்சுக்கும், கோவிலுக்கும் போவோம். குறிப்பிட்ட மதத்தை சாராமல் வாழ்க்கை போய்க்கிட்டு இருக்கு. நாம் கிறிஸ்தவ முறைப்படி கல்யாணம் பண்ணிக்கலாமா என்று ஷோபா ஒரு நாள் சொன்னார். ஏன் அப்படி சொல்றனு கேட்டேன். நாம் இரண்டு பேரும் இரண்டு படகுகளில் பயணப்படுகிறோம். கடலில் படகு செல்லும்போது சின்ன அலையோ, சுழலோ ஏற்பட்டால் கூட இரண்டு பேரும் ஒரே இடத்தில் கரை சேர முடியாதுனு சொன்னார். அதில் ஆயிரம் அர்த்தம் இருந்தது என்றார் எஸ்.ஏ.சி.
ராசி
அந்த பெண் குழந்தைக்கு வித்யானு பெயர் வைத்தோம். ஷோபா கர்ப்பமான ராசியோ இல்லை எனக்கு இரண்டாவது கல்யாணம் நடந்த ராசியோனு தெரியல. எனக்கு சட்டம் ஒரு இருட்டறை படத்தை இயக்கும் வாய்ப்பு கிடைத்தது. அதே வருஷம் 1980 அக்டோபர் 16ம் தேதி வித்யா பிறக்கிறாள். அவர் பிறந்த ராசி காதலர் தினத்தில் சட்டம் ஒரு இருட்டறை ரிலீஸானது என எஸ்.ஏ.சந்திரசேகர் மேலும் கூறினார்.
விஜய்
விஜய்யை சாட்சியாக வைத்து இரண்டாவது திருமணம் செய்து கொண்டோம். விஜய்க்கு அப்பொழுது 6 வயது. சென்னை நுங்கம்பாக்கத்தில் இருக்கும் சர்ச்சில் தான் திருமணம் நடந்தது. என் தலைமையில் தான் அவர்களுக்கு கல்யாணம் நடந்துச்சுனு விஜய் சொல்வான். இரண்டாவது முறையாக திருமணம் நடந்தபோது ஷோபா இரண்டாவது முறையாக கர்ப்பமாக இருந்தார். அது பெண் குழந்தைனு தெரிந்துவிட்டது என எஸ்.ஏ.சி. மேலும் தெரிவித்தார்.