பிகில் இசை, டீசர் எப்போது? இதோ வெறித்தனமா வந்த அப்டேட்!

தமிழ் சினிமாவில் தற்போதைய மிகப்பெரிய எதிர்பார்ப்பு விஜய்யின் பிகில்தான். கடந்த சில நாட்களுக்கு முன் வெறித்தனம் பாடல் வெளியான நிலையில் தற்போது அடுத்த அப்டேட் வெளியாகியுள்ளது.

தளபதி விஜய் நடிப்பில் அட்லி இயக்கத்தில் உருவாகியுள்ள படம் "பிகில்". தெறி மற்றும் மெர்சல் படத்தைத் தொடர்ந்து அட்லியும் விஜய்யும் மூன்றாவது முறையாக "பிகில்" படத்தில் ஒன்று சேர்ந்துள்ளனர். கடந்த இரண்டு படங்கள் போலவே இந்தப் படமும் கமர்ஷியல் அமசங்கள் நிறைந்ததாக இருக்குமென தெரிகிறது.

இப்படத்தில் விஜய்க்கு நயன்தாரா ஜோடியாக நடித்துள்ளார். கதிர், இந்துஜா முக்கிய பாத்திரங்களில் நடித்துள்ளனர். ஜாக்கி ஷெராப் ஒரு முக்கிய பாத்திரத்தில் நடித்துள்ளார். ஏ ஜி எஸ் சார்பில் கல்பாத்தி அகோரம் இப்படத்தை தயாரித்துள்ளார். ஏ ஆர் ரஹ்மான் இப்படத்திற்கு இசையமைத்துள்ளார். ரூபன் எடிட் செய்ய விஷ்னு இப்படத்திற்கு ஒளிப்பதிவு செய்துள்ளார்.

எனை நோக்கி பாயும் தோட்டா ரிலீஸ் இல்லை! வருகிறது சிவப்பு மஞ்சள் பச்சை!

விஜய் இப்படத்தில் அப்பா, மகன் இரு வேடங்களில் நடித்துள்ளார். மகன் விஜய் பெண்கள் கால்பந்து விளையாட்டு கோச்சாகவும், அப்பா விஜய் வடசென்னை தாதாவாகவும் நடித்துள்ளதாக தெரிகிறது.
இப்படத்தின் போஸ்ட் புரடக்‌ஷன் வேலைகள் தற்போது நடந்து வருகிறது. தீபாவளிக்கு இப்படம் வெளிவரும் என்று அறிவிக்கப்பட்டுள்ளது.

பெண்கள் கால்பந்து போட்டியை மையப்படுத்திய படமாக இப்படம் உருவாகி வருவதால் பெண்களை போற்றும் விதமாக பெண்கள் ஆந்தம் எனும் பெயரில் சிங்கிள் பாடல் ஒன்று வெளியிடப்பட்டது. "சிங்கப்பெண்ணே" எனும் அந்தப்பாடல் ரசிகர்களிடம் மிகப்பெரும் வரவேற்பு பெற்றுள்ளது. யுடுயூப்பில் அந்தப் பாடல் சாதனைகள் படைத்து வருகிறது.

Jayalalithaa Biopic Queen: ஜெயலலிதாவின் வாழ்க்கை வரலாறு படத்தில் ரம்யா கிருஷ்ணன்

விஷ்ணு விஷாலுடன் ஜோடி சேரும் பிக்பாஸ் பிரபலம்!

பிற பாடல்களை கேடக ரசிகர்கள் ஆர்வமாக காத்திருந்த நிலையில் கடந்த சில நாட்களுக்கு முன் விஜய் குரலில் வெறித்தனம் பாடல் வெளியானது. யுடுயூப்பில் அப்பாடல் 1 கோடி பார்வையாளர்களை கடந்து சாதனை படைத்திருக்கிறது.


இந்த நிலையில் 'பிகில்" படத்தின் பாடல் வெளியீட்டுக்கான வேலைகள் தற்போது நடந்து வருகிறது. மிகப்பிரமாண்ட ஏற்பாடுகளுடன் தயாரிப்பு நிறுவனம் மேற்கொண்டு வருகிறது. செப்டம்பர் மாதத்தில் 19ல் இசை மற்றும் டீசர் வெளியாகும் என தகவல் வெளிவந்துள்ளது. இந்த செய்தி விஜய் ரசிகர்களை கொண்டாட்டத்தில் ஆழ்த்தியுள்ளது.