Vijay Bigil Release Date: பிகில் தமிழக விநியோக உரிமை ரூ.83 கோடிக்கு விற்பனை!

அட்லி இயக்கத்தில் விஜய் நடிப்பில் உருவாகியுள்ள படம் பிகில். வரும் 25 ஆம் தேதி வெளியாகவுள்ள இப்படத்தின் தமிழக விநியோக உரிமை ரூ.83.55 கோடிக்கு விற்கப்பட்டுள்ளது. ஒவ்வொரு மாவட்டம் வாரியாக விநியோகஸ்தர்கள் பிகில் படத்தின் திரையரங்க உரிமையை விலைக்கு வாங்கியுள்ளனர்.

பெண்களின் கால்பந்து விளையாட்டை மையப்படுத்தி இப்படம் உருவாக்கப்பட்டுள்ளது. ராயப்பன், மைக்கேல், பிகில் என்று விஜய் மூன்று விதமான கதாபாத்திரங்களில் நடித்துள்ளார். இப்படத்தில் விஜய்க்கு ஜோடியாக நயன்தாரா நடித்துள்ளார். மேலும், கதிர், விவேக், யோகி பாபு, டேனியல் பாலாஜி, ஆனந்தராஜ் ஆகியோர் உள்பட பலர் நடித்துள்ளனர்.

அண்மையில், இப்படத்தின் இசை வெளியீட்டு விழா நடந்தது. இதில், விஜய் பேசியது ட்விட்டரில் விவாதத்திற்கு உள்ளானது. இதையடுத்து, டிரைலர் வெளியானது. டிரைலரைப் பார்த்த ரசிகர்கள் பலரும் படம் எப்போது என்று காத்துக்கொண்டிருக்க, வேண்டாத சிலர் ட்விட்டரில் ட்ரைலரே நல்லாயில்லை, படத்தை வேறு பாக்கனுமா என்றெல்லாம் விமர்சனம் செய்துள்ளனர்.


அதோடு, பல படங்களில் இருந்து ட்ரைலர் காட்சிகள் எடுக்கப்பட்டுள்ளதாக குறிப்பிட்டனர். இதற்கெல்லாம் செவி கொடுக்காத அட்லி படம் வெளியான பிறகு பார்த்துக்கொள்ளலாம் என்று அப்படியே விட்டுவிட்டாராம்.
ஏஜிஎஸ் எண்டர்டெயின்மெண்ட் நிறுவனம் இப்படத்தை தயாரித்துள்ளது. ஏ.ஆர்.ரஹ்மான் இப்படத்திற்கு இசையமைத்துள்ளார். விஸ்வாசம் படத்தின் டிரைலரை விட, பிகில் டிரைலரை அதிகமானோர் பார்த்துள்ளனர் என்பது குறிப்பிடத்தக்கது.

விஜய்யின் பிகில் படம் வெளியாகும் அன்றே கார்த்தியின் கைதி படமும் திரைக்கு வருகிறது. கைதி படத்தின் டிரைலர் ரசிகர்களிடையே போதுமான வரவேற்பு பெற்ற நிலையில், ஒரே நாளில் வெளியாவதால், இரு படங்களுமே வசூல் ரீதியாக பாதிக்கப்படும் என்று எதிர்பார்க்கப்படுகிறது.