ஈரோட்டில் நடைபெறும் சர்கார் படத்தின் 100வது நாள் கொண்டாட்டம்!

விஜய் நடிப்பில் வெளியான சர்கார் படத்தின் 100 ஆவது நாள் கொண்டாட்டம் ஈரோட்டில் உள்ள ஜெயலட்சிமி திரையரங்கில் விமரிசையாக நடக்கயிருக்கிறது.

ஏ.ஆர்.முருகதாஸ் இயக்கத்தில் தளபதி விஜய், கீர்த்தி சுரேஷ், வரலட்சுமி சரத்குமார் உட்பட பலர் நடிப்பில் கடந்த ஆண்டு தீபாவளி பண்டிகையை முன்னிட்டு வெளியான படம் ‘சர்கார். இந்தப் படம் மிகப்பெரிய வெற்றியைப் பெற்று பல சாதனையை படைத்து வருகிறது.

இந்நிலையில் இந்த படத்தின் 100வது நாள் விழாவை ரசிகர்கள் கொண்டாட உள்ளனர். இதற்குமுன் கடந்த மாதம் பொங்கல் தினத்தன்று ரசிகர்கள் இந்த படத்தின் 75 வது நாளை பல திரையரங்கில் மாஸாக கொண்டாடினார்கள்.

இந்நிலையில் ரசிகர்கள் இந்த படத்தின் 100வது நாள் விழாவை ஈரோடு மாவட்டத்தை சேர்ந்த பிரபல திரையரங்கான ஜெயலஷ்மி தியேட்டரில் வரும் 17ம் தேதி காலை 7 மணிக்கு கொண்டாட இருப்பதாக ட்வீட்டரில் பதிவிட்டுள்ளனர் என்பது குறிப்பிடத்தக்கது.