Vijay: வெறித்தனம் பாடல் லீக்? படக்குழு அதிர்ச்சி?

தெறி, மெர்சல் ஆகிய படங்களின் வெற்றியைத் தொடர்ந்து இயக்குனர் அட்லி - தளபதி விஜய் கூட்டணியில் உருவாகி வரும் பிகில். பெண்களின் கால்பந்தை மையப்படுத்திய இப்படத்தில் விஜய் ஒரு கதாபாத்திரத்தில் கால்பந்து பயிற்சியாளராகவும், மற்றொரு கதாபாத்திரத்தில் தாதாவாகவும் நடித்துள்ளார் என்று கூறப்படுகிறது.

இப்படத்தில் விஜய் உடன் இணைந்து நயன்தாரா, யோகி பாபு, கதிர், விவேக், இந்துஜா, ஜாக்கி ஷரூப், டேனியல் பாலாஜி, ஆனந்தராஜ், சவுந்தரராஜா, தேவதர்ஷினி, ரெபா மோகா ஜான், வர்ஷா போலம்மா, ஐஎம் விஜயன் ஆகியோர் உள்பட பலர் நடித்துள்ளனர்.

இசைப்புயல் ஏஆர்.ரஹ்மான் இப்படத்திற்கு இசையமைத்துள்ளார். ஏஜிஎஸ் நிறுவனம் இப்படத்தை தயாரித்துள்ளது. கிட்டத்தட்ட ரூ.140 கோடி பட்ஜெட்டில் இப்படம் உருவாக்கப்பட்டுள்ளதாக விக்கிப்பீடியா பக்கத்தில் காட்டப்பட்டுள்ளது. இப்படம் வரும் தீபாவளி பண்டிகையை முன்னிட்டு திரைக்கு வரவுள்ளது.

மேலும் படிக்க: Comali: காஜல் அகர்வாலுக்கு பூஜை செய்யும் ஜெயம் ரவியின் பைசா நோட் பாடல் வீடியோ!

இதையும் படிங்க: Khaki: ஷூட்டிங் முடியும் முன்னரே விலை போன விஜய் ஆண்டனியின் "காக்கி" படம்!

Also Read This: Bigil: டிசைனருக்கு கிடைத்த முதல் பரிசு: பிகில் விஜய்க்கு நன்றி சொன்ன கோபி பிரசன்னா!

ஆனால், இந்தாண்டு தீபாவளி பண்டிகையை ஞாயிறன்று வருவதால், படத்தின் வசூல் அதிகரிக்கும் வகையில், அதற்கு முன்னதாக 24 அல்லது 25ம் தேதியில் படத்தை வெளியிட வேண்டும் பிகில் தயாரிப்பாளருக்கு விநியோகஸ்தர்கள் வேண்டுகோள் வைத்துள்ளார்.

இதனால், பிகில் படத்தின் ஃபாக்ஸ் ஆபிஸ் வசூல் அதிகரிக்கும் என்று கூறப்படுகிறது. இந்த நிலையில், பிகில் படத்தில் இடம்பெற்றுள்ள வெறித்தனம் என்ற பாடல் லீக்கானதாக ட்விட்டர் பக்கத்தில் #VerithanamLeaked என்ற ஹேஷ்டேக் வேகமாக பரவி வருகிறது.

அதோடு, சென்னை டிரெண்டிங்கிலும் இந்த ஹேஷ்டேக் 2ம் இடம் பிடித்துள்ளது. ஆனால், உண்மையில் பாடல் லீக் ஆகவில்லை. பிகில் படத்தின் அப்டேட் எதுவும் வெளியாகதாதால், அப்டேட் வேண்டி ரசிகர்கள் தயாரிப்பாளருக்கு கோரிக்கை வைக்கும் விதமாக இது போன்று செய்துள்ளதாக கூறப்படுகிறது.

ஏற்கனவே பிகில் படத்தின் முதல் சிங்கில் டிராக் சிங்கப்பெண்ணே என்ற பாடலை அதிகாரப்பூர்வமாக அறிவிப்பதற்கு முன்னதாகவே இணையத்தில் லீக்கானது. அதன் பிறகு சிங்கப்பெண்ணே பாடல் அதிகாரப்பூர்வமாக வெளியானது என்பது குறிப்பிடத்தக்கது. தற்போதும் அதே நிலை தான் வெறித்தனம் பாடலுக்கும் ஏற்பட்டுள்ளது. இதுவரை லீக்காகவில்லை. அதற்கு முன்னதாக படக்குழு அறிவிப்பு வெளியிடும் என்று எதிர்பார்க்கப்படுகிறது.