வாரிசு
நடிகர் விஜய் தற்போது தெலுங்கு இயக்குநரான வம்சி பைடிப்பள்ளி இயக்கத்தில் வாரிசு படத்தில் நடித்து வருகிறார். இந்தப் படத்தை பிரபல தெலுங்கு தயாரிப்பாளரான தில் ராஜு தயாரித்து வருகிறார். இப்படத்திற்கு தமன் இசையமைக்கிறார்.
விஜய் போட்டோ
இந்தப் படத்தின் படப்பிடிப்பு ஹைத்ராபாத் மற்றும் சென்னையில் நடைபெற்று வந்தது. தற்போது படத்தின் அடுத்த ஷெட்யூல் விசாகப்பட்டினத்தில் நடைபெற்று வருகிறது. நடிகர் விஜய் சென்னை விமான நிலையத்தில் இருந்து விசாகப்பட்டினம் புறப்பட்ட போட்டோக்கள் இணையத்தில் வெளியாகி வைரலானது.
அதிதி ஷங்கர் அப்போவே அந்த மாதிரியாம்!
விசாகப்பட்டினம் துறைமுகம்
இந்நிலையில் இசையமைப்பாளர் தமன், விசாகப்பட்டினம் துறைமுகத்தில் வாரிசு படப்பிடிப்பு தளத்தில் எடுத்த போட்டோவை ஷேர் செய்துள்ளார். அடிக்கடி படப்பிடிப்பு தளத்தில் இருந்து காட்சிகள் லீக்காவதால் விசாகப்பட்டினத்தில் படப்பிடிப்பு எங்கு நடைபெறுகிறது என்பதை படக்குழு ரகசியமாக வைத்திருந்தது.
நட்சத்திர பட்டாளம்
இந்நிலையில் தமன் ஷேர் செய்துள்ள போட்டோவின் மூலம் விசாகப்பட்டினம் துறைமுகத்தில் படப்பிடிப்பு நடைபெறுவது தெரியவந்துள்ளது. வாரிசு படத்தில் விஜய்க்கு ஜோடியாக ராஷ்மிகா மந்தனா நடிக்கிறார். மேலும் சரத்குமார், ஷாம், பிரபு, ஸ்ரீகாந்த், பிரகாஷ் ராஜ், எஸ்ஜே சூர்யா, யோகி பாபு, ஜெயசுதா, சங்கீதா உள்ளிட்ட பலர் நடிக்கின்றனர் என்பது குறிப்பிடத்தக்கது.