தம்பி ராமைய்யா மகனுக்கு நடிகையை சிபாரிசு செய்த விஜய்!

‘மணியார் குடும்பம்’ படத்தில் நடித்து வரும் தம்பி ராமைய்யா மகன் உமாபதிக்கு ஜோடியாக நடிக்க ஏ.எல்.விஜய் நடிகை மிருதுளாவை சிபாரிசு செய்துள்ளார்.

இயக்குனரும் நடிகருமான தம்பி ராமைய்யா தற்போது தனது மகன் உமாபதியை வைத்து ‘மணியார் குடும்பம்’ என்ற படத்தை இயக்கி வருகிறார். இந்தப் படத்தில் கேரள நடிகை முருதுளா முரளி ஹீரோயினியாக நடிக்கிறார். இவர் ஏற்கெனவே ‘கண்களும் கவிபாடுதே’ படத்தில் சின்ன வேடத்தில் நடித்துள்ளார். அதன் பிறகு ‘நாகராஜசோழன் எம்.ஏ.எம்.எல்.ஏ’ படத்தில் 3 நாயகிகளில் ஒருவராக நடித்தார். அதையடுத்து ‘சிக்கிக்கு சிக்கிக்கிச்சு’ படத்தில் நாயகியாக நடித்தார்.

தற்போது, நடிகை மிருதுளா ‘ரா ராபுரம்’, ‘பிஸ்தா’, ‘உலகம் விலைக்கு வருது’ படங்களில் நடித்து வருகிறார். ஒரு முறை இவர் இயக்குனர் ஏ.எல்.விஜய்யிடம் வாய்ப்பு கேட்டுச் சென்றிருக்கிறார் மிருதுளா. உடனே அவர் தம்பி ராமைய்யாவிடம் சொல்லி அவரது மகன் உமாபதிக்கு ஜோடியாக ‘மணியார் குடும்பம்’ படத்தில் நடிக்க வைத்துவிட்டார். மேலும் இவர் ‘எந்தொரு பாக்கியம்’ என்ற மலையாளப்படத்திலும் நடித்துவருகிறார்.