‘தானா சேர்ந்த கூட்டம்3 டீசர் இம்மாதம் 30ல் ரிலீஸ்

சூர்யா நடிப்பில் உருவாகும் ‘தானா சேர்ந்த கூட்டம்‘ படத்தின் டீசர் இம்மாதம் 30ம் தேதி வெளியாகவுள்ளது.

‘நானும் ரௌடிதான்’ படத்தை அடுத்து விக்னேஷ் சிவன், நடிகர் சூர்யாவை வைத்து இயக்கி வரும் படம் ‘தானா சேர்ந்த கூட்டம்’. இந்த படத்தில் சூர்யாவுக்கு ஜோடியாக கீர்த்தி சுரேஷ் நடிக்கிறார். இவர்களுடன் கார்த்திக், ரம்யாகிருஷ்ணன், செந்தில், கலையரசன், சத்யன் உள்பட பலர் நடிக்கின்றனர். படத்திற்கு அனிருத் இசையமைத்து வருகிறார்.இப்படத்தில் அவரது இசையில் உருவான சொடக்கு பாடலின் சிங்கிள் டிராக் வெளியாகி ரசிகர்கள் மத்தியில் எதிர்பார்ப்பை உருவாக்கியுள்ளது.

‘தானா சேர்ந்த கூட்டம்’ படம் பொங்கலுக்கு வெளியாகயிருக்கும் நிலையில், இந்த படத்தின் டீசர் எப்போது வெளியாகும் என்று சூர்யா ரசிகர்கள் எதிர்பார்த்து இருந்தனர். ஆனால், ஆரம்பத்தில் இருந்தே இந்த படத்தின் பர்ஸ்ட் லுக்கில் இருந்து ஒவ்வொரு விசயத்திலுமே காலம் தாழ்த்தி வரும் விக்னேஷ் சிவன், டீசர் விசயத்திலும் காலம் கடத்தி வந்தவர், தற்போது நவம்பர் 30-ந்தேதி டீசரை வெளியிடயிருப்பதாக செய்தி வெளியிட்டிருக்கிறார்.