என் பெயரை சொல்லி நடிகைகள், பெண்களை ஏமாற்றுகிறார், உஷார்: பிரபல இயக்குநர்

மலையாளம் மற்றும் தமிழில் வெளியான நேரம் படம் மூலம் இயக்குநர் ஆனவர் கேரளாவை சேர்ந்த அல்போன்ஸ் புத்ரன். நிவின் பாலி, சாய் பல்லவி, அனுபமா பரமேஸ்வரன், மடோனா செபாஸ்டியன் உள்ளிட்டோரை வைத்து அல்போன்ஸ் புத்ரன் இயக்கிய பிரேமம் படம் சூப்பர் ஹிட்டானது.

அல்போன்ஸ் புத்ரனுக்கு ஒரு பிரச்சனை ஏற்பட்டுள்ளது. இது குறித்து அவர் தன் ஃபேஸ்புக் பக்கத்தில் கூறியிருப்பதாவது,

‘9746066514’,‘9766876651’ ஆகிய எண்களை பயன்படுத்தம் நபர் பற்றி தெரிவிக்க விரும்புகிறேன். அவர் என் பெயரில் பல நடிகைகள் மற்றும் பெண்களுக்கு கால் செய்து பேசுகிறார்.

நான் அவரை தொடர்பு கொண்டபோது என்னிடமே நான் அல்போன்ஸ் புத்ரன் என்கிறார். என் பெயரில் போலி கால்கள் செய்வது குறித்து அந்த நபர் மீது காவல் நிலையத்தில் புகார் அளித்திருக்கிறேன். அதனால் நான் மேலே குறிப்பிட்ட எண்களில் இருந்து அழைப்பு வந்தால் ஜாக்கிரதையாக இருக்கவும். அந்த நபரிடம் ஏமாந்துவிடாதீர்கள். அப்படி ஏதாவது கால் வந்தால் உங்களின் தனிப்பட்ட விபரங்கள் அல்லது புகைப்படங்கள் அல்லது வீடியோக்களை கொடுக்க வேண்டாம். இது பிராடு வேலை என்பதை புரிந்து கொள்ளுங்கள் என்று தெரிவித்துள்ளார்.

கடந்த 5 ஆண்டுகளாக எந்த படமும் இயக்காமல் இருந்த அல்போன்ஸ் புத்ரன் பாட்டு என்கிற படத்தை இயக்குவதாக அண்மையில் தான் அறிவிக்கப்பட்டது. அந்த படத்தில் ஃபஹத் ஃபாசில் ஹீரோவாக நடிக்கிறார். பாட்டு படத்தை இயக்குவதோடு இசையமைக்கவும் செய்கிறார் அல்போன்ஸ் புத்ரன் என்பது குறிப்பிடத்தக்கது.

5 ஆண்டுகள் கழித்து அல்போன்ஸ் புத்ரன் படம் எடுப்பாதல் பாட்டுக்கு தற்போதே எதிர்பார்ப்பு அதிகம் உள்ளது. அதுவும் நடிப்பு ராட்சசனான ஃபஹத் ஃபாசில் நடிப்பதால் எதிர்பார்ப்பு மேலும் அதிகரித்துள்ளது.

அல்லாஹ்வுக்காக மதபோதகரை திருமணம் செய்து கொண்டேன்: விஷால் பட நடிகை